CHAPITRE XI
Comment le roy lors fist publier que nuls de son royaulme ne communicassent avec les Anglois du parti du roy Edouart, sur grosse paine.
Mouit se firent de choses et s'entreprindrent en ce temps ci de diverses pièces et propos; et se donna le roy grand soin, ce sembloit , des affaires de son réalme pour en tout pourveoir et disposer à sa guise, estudiant en paix et en guerre comment il useroit avec ses voisins ; et souverainement visoit au profit, comment argent porroit traire de ses subgects. Touttesvoies ne menoit point d'estat ni ne portoit nulles grandes charges nulle part, moins que nuls de ses devanciers rois. De guerre.n'avoit à nulluy, fors tant seullement que lui meismes s'en bailla au roy Éduart, au quel il fit crier et publier à son de trompe par tout son réalme inimitié mortelle , et que nuls, sur paine de mort, de ceux de son réalme communicassent ne en marchandise ne aultrement avec les Anglois du parti du dict Éduart. Et de quoy toutesvoies lesdicts Anglois depuis et assez tost s'en vengèrent, et en portèrent grand dommaige en son réalme; car vindrent descendre en l'isle de Reis à puissance , et icelle toutte pillèrent et robèrent, par despit que le roy avoit deffendu que nul ne leur livrast ne vins, ne vivres, ne marchandises pour argent. Si les prindrent et emportèrent sans cousts à ceste fois ; et remontans en mer, bien à six vingt voiles et douze mille combattans, vaucrèrent longuement çà et là entour les ports de Normandie et de Guyenne, pour aviser s'il n'y povoit avoir nulle part prouffit, ou au moins pour donner fréeur aux Franchois. Et congnoissant que point ne dormoient , et qu'en eulx avoit force et hardement pour leur donner à penser, touttesvoies Franchois se tindrent sur leurs gardes ; et fit le roy garder tous les ports de Normandie et Guyenne ; car avoit encore son armée preste, dont nul ne savoit de son emprinse quel chose en vouloit faire, si non, comme j'ai dict, que voix couroit , que descendre vouloit à tout à faire en Angleterre. Et le roy Éduart sçavoit de
‘CHRONIQUE DES DUCS DE BOURGOGNE.— II PART
ce ; et pensant qu'ensi en fut délibéré, pour meismes en prendre l’onneur devers 1y, manda au roy lui dire et signiffer : que point ne faisoit besoin de tant soy traveillier comme, de le venir quérir si loing , car lui meismes le viendroit visiter en son propre royalme et en prandroit la paine pour eulx deux. Si en rit le roy Loys; et dit qu'il fust le très bien venu ; et quand ce seroit, il seroit receu aux us et coustumes. Si en prisa moult le courage du jeusne roy Eduart ; mès disoit bien que le faict ne lui seroit point si légier que la parole.
En ceste meisme saison et tout en untemps, fut dict que le roy fit annoblir par cryée tous ceux qui vouldroient marchander en son réaume , et leur accorda privilève de noble homme ; et pareillement octroya et donna grâce à tous nobles de user de marchandise, sans préjudice de leur nom et de leur estat.
Et ce fit , ce semble , à cause de plus grand gain et d'acquest de deniers, à quoy tant veilloit curieusement que mémoire n'estoit de jamès semblable de devant y, ne qui tant visast à en faire amas, sans qu'on perceust à quelle fin ne pourquoy, smon que son convoite estoit là assis. Ne donnoit riens, despendoit encore moins, prenoit à tous lez, ou par imposts nouvels ou par retrenchemens sur offices; et à tous ceux qui vivoient et manoient sous luy fit sentir sa main redon dante et à peu sa doulceur. En lieu où hantoit, y faisoit petit séjour ; peu se. looit-on de sa demeure ne de ses gens ; l’eslonge estoit plus désirée que son approcher ; et peu y avoit d'amour ne de doulreur en sa hantise , mès des peurs beaucoup et des doubtes pour ceulx qui avoient des biens et qui avoient esté officiers, ou estoient, de perdre ce qu'ils avoient. Y avoit grand servitude à estre avec ses gens, et à les recepvoir petit acquest, et grand labeur mal payé, et mal recongneu son hoste, et multitude de chiens et oiseaulx gastans l’honneste mesnase des bonnes gens, sans oser dire mot; et sembloit que chiennerie estoit des logis. En ce temps le souverain honneur , et l'enseignement de royalle court, estoit, que court devoit estre plus parée de chiens pour deduit que d'hommes pour vertu; et en exemple de
ce, et que Île roy avoit toute son affection là assise , fit deffendre partout que nul si hardi, meismes en ses propres terres, chassast ni au gros ni au menu sans sa grace et congié , sur paine de pugnicion corporelle. Dont pour ceste cause et pour aultres, ettelles mamières de faire non jamès veues, il fit les cuers froids contre Iy, et acquist peu de grace de ses subgects nobles et non nobles, et moins aussi des princes de son sang, aux quels tous il donna une restraincte.
Envers ce temps ci, qui estoit en aoust, le comte de Charolois s'en estoit retourné en Hollande, pour avoir response de ce qu'aultrefois avoit demandé pour et au nom de son père, touchant une nouvelle ayde. Le quel venu à La Haye, les estats vindrent devers ly, et lui accordèrent quarante mille livres d'or à payer en deux ans. Du quel offre et accord le comte se tint content, et le noncha à son père à Bruxelles; et lui se tint esbattant au pays une espace , tout ennuyé et plain d'abhomination de ce Jehan Toustain et de son cas, qui lui faisoit fuyr la court de son père.
