CHAPITRE XII

Comment le roy entra solempnellement en Rouan, et comment il parla au seigneur de Chimay estant venu vers [uy.

Or vint le jour douziesme d'aoust que le roy devoit entrer en Rouan ; et de fait y entra, bien solempnellement receu , comme à ymaginer fait d'une telle ville et de tel peuple. Et menant ses princes et barons avec luy, et tout son estat, y mena aussi messire Pierre de Brezé qui n'agaires en avoit esté gouverneur , et du quel, comme j'ai dit cy devant, le peuple aucques près fit aussi grand feste de le veoir sain et saulf, comme du roy; car l'avoit envoyé le duc là devers luy sur les matières que le seigneur de Nantoulet , messire Pregent de Melun, avoit esté devers ly à Bruxelles. Parquoy, comme le roy n'estoit pas conclu encore de despescher ce chevaher, le seigneur de Croy, et que voloit aller visiter Normandie , tout du long fit demourer iedict de Croy à Cran jusques à son re-

GEORGE CHASTELLAIN

tour , et 1y s’en alla au mont Sainct-Michel, faire là son pelerinage. Au retour de là, qui fut assez brief, le roy vint à Bayeulx, et là délivra ledit de Cymay sur ce pour quoy estoit venu : c'estoit sur le faict du siège de Calais. Et dist on qu'assez gracieusement cuida contenter le chevalier, et le renvoyer en fainte. Mès luv, saige personnage et diligent en ce quil avoit de charge, lui dist doulcement : « Comment dei, sire?

vous me dites une chose et vous me celez le plus fort. Voie court, et dict-on : que vous voulez faire descendre huit mille chevaux en Picardie et en Boulenois ès pays du duc, pour aller rompre une dicque devant Calais, et donner vos gens loger sur les terres de monseigneur le duc. Cuydez-vous que monscigneur le souffre ne le souflrira pour morir? » Et le roy respondit : « Pourquoy ne le souflrira-il? n'aurai je povoir de faire passer vivres et mes gens parmi mon ro yalmeP? — De! ce dist lors le chevalier. Vous avez du pouvoir assez, mès il siet à faire toutes choses par raison. Monseigneur ne son pays ne sont pas des condicions des aultres. Son peuple n'a pas apprins d'estre foulé , et luy ne le pourroit porter aussi. Mès espère que vous en saurez bien faire, et ferez mieulx qu'on ne suppose. »

Atant cessa la rigueur; et ne sortit à nul effect ce de quoy avoit esté bruyt. Et s'avisa le roy de sur-céder la chose et de” ployer ses gens d'armes en aultre affaire ailleurs. Car en envoya une part au roy d'Aragon , dessoubs le seigneur d'Orval l'aisné , fils d'Alebrecht ; l'un des vaillans capitaines de Franche, pour servir le dict roy contre les Catelans, ceulx de Berselonne et aultres ses subjects rebelles ; là où depuis Franchois trouvèrent dur passage et grief affaire , et y perdirent moult de gens et de vaillans hommes; et entre les aultres, après avoir prins Parpignan, ce seigneur d'Orval meismes y morut du flux de ventre, dont ce fut dommage, car en France n'avoit plus gaillard capitaine que Îy, ne plus digne de mener grands gens.

Leroy, pendant que messire Jehan de Croy estoit encore devers ly, fit deux choses nouvelles. L'une si estoit. Il vit d'aventure en-

trer en sa chambre un gentil escuier gendarme qui avoit en charse seize ou vingt lances soubs ung autre capitaine : si fut tel le cas, que cet escuyer , qui net estoit et curieux de son abillier, estuit vestu d'ung pourpoint de veloux et bien empoint mieulx que aultres. Si demanda à aulcuns d'emprès ly, à qui estoit cely, ne qui il estoit. Et lui fut dist : « Sire, il est à vous; et est un gentilhomme d'arme vaillant et de bonne sorte; et a charge de gens soubs 1y.—A moy! ce dict le roy! Par la Pasque-Dieu ! à moy n'est pas. Je le désavoe, et à moy ne sera jamès. Comment deà! il est vestu de soie ; il est plus joly que moy.» Disant ces mots il appela le mareschal de France , et lui dist et commanda que, sur tant qu'il le doubtoit, que cestuy il le cassast de ses gaiges, et le mist hors de son ordonnance, car ne vouloit nuls tels pompeux auprès de ly. Et convint au mareschal obéir; et ainsi le fit, mès à grand regret.

L'aultre chose nouvelle que fit encore le roy, ce fut, que à ung povre gentilhomme normand qui avoit chassé et prins un liévre ou deux en sa propre terre, contraire de sa deffense , il lui fit copper une oreille. La ‘quelle chose sembloit dure à beaucop de gens, et caspitoyable, qui en eust osé parler. Et de faict beaucop de murmures s’en firent , et de cela et de plusieurs aultres estranges manières.

Les Anglois encore vers la fin d'aoust et entrant septembre descendirent en Bretagne en l'isle de Dressenay; composèrent les habitans en huit cens queues de vin, et firent moult de maulx ; et puis au parüir, boutèrent tout en feu et en flamme. Et ce firent en revange de ce que les Bretons, du temps du roy Charles, avoient fait le pareil e. Angleterre soubs messire Pierre de Brezé conme a esté conté en son lieu (4).

(4) Je n'ai pas retrouvé la partie de la chreniques de George Chastellain relative aux évenemens qui se sont Dassés sous Charles VII.

CHRONIQUE DES DUCS DE BOURGOGNE.—II: LS