CHAPITRE XIII

Comment le président de Bourzoingne fut envoyé au parlement pour le faict du sel, de par le duc ; et de la royne d'Angleterre qui descendi à l’Escluse.

Or convient faire un conte maintenant du président de Bourgoingne, à qui le roy en ceste meismes saison fit faire ung estrange tour soubs exploit de justice. Si est vray que de ce président , nommé messire Gerard de Plaine, homme de notable desunation et plain de vertu, le roy Charles s'estoit aulcunement dolu, comme avoir esté aigre et précis en gardant les droits et jurisdictions de son maistre, contraires des siens. Parquoy ledict roy Charles, le voulant traire en cause, s'en dolut à son parlement, afin d'en avoir décision du dioit et du tort. Mès lui surprins de mort, demoura la chose achoppée, jusqu'à maintenant que ceste meisme matière fut relevée, à cause de la nouveleté du sel que le roy Loys vouloit impnser en Bourgoingne , là où cestui président arrière se monstra homme résistant; et par sens et par vertu se moustra homme valereux pour la hauteur de son maistre. S: voult le duc qu'il alast en parlement; et quelle chose on lui vouldroit imputer, fust de viel ou de nouvel, que là venu il attgndist à son sens de respondre, comme pour maistre et serviteur , Car en vouloit la fin. Si y alla ledict président, homme bien amodéré et doulx parlier. Et venu en parlement, se présenta à oyr toute accusation, se aulcune on vouloit faire contre 1y. Et pour respondre sur tous les points , quatre ou cinq fois se présenta en la chambre, usant tousjours d'ung mesme terme pour voir et oyr son acCcuseur , ou pour avoir meismes audience de parler par ottroy de la chambre; ce qu'encques ne peut obtenir ne en l'un ne en l’autre ; meismes sembloit qu'on s'en truflast. Dont le notable homme , tout esmerveillé du cas qui vuydoit hors de toute règle, ennuyé et argué en Îy meismes , prist le congié à soy meismes, et partit de Paris à intencion de retourner en Bourgoingne. |

Après ceste honteuse retraicte que firent les Escots devant Rel, et de quoy les Fran-

chois qui estoient là maintenant en querelle du roy Henry et de la royne se trouvèrent confus, et que aveucques lascheté et fraulde des dicts Escots envers eulx , tout aultre terrien confort leur défailloit, si non par saulveté, et en aultre réaulme et territoire par fuite, la royne , en espoir de bien faire, et autant par nécessilé contrainte comme , par délibéré'avis , soy avisant comment fille estoit d'ung roy de Cecile, niepce d'ung roy de France , et son mari nepveu , là où sang et naturelle amour ne lui pourroient faillir au fort de lui donner sa vie, délibéra de passer la mer. Et sachant son mari le roy Henry estre compétamment en lieu assez seur pour ung espace‘de temps, prist son fils Eduart, nommé prince de Galles; et entrant en mer , soubs l'avis et consentement du vaillant chevalier, messire Pisgrre de Brezé conduiseur de sa querelle, }: mena aveucques elle, non à intencion principale seulement de venir descendre en France devers ses parens et amis, ains de venir descendre délibéramment en terres et pays du duc de Bourgoingne, au premier port et havre du plus recouvrable.

Si l'amena tranquilité de vent auprès de l'Es cluse , atout le n::mbre de gens qu'avoi: avec elle , qui u’estoit point grand , sur la fin de juillet. Là où venue au port, donna admiracion à tous , pour cause qu'à tout le monde estoit cogneu et sceu qu'elle avoit esté mortele ennemie au duc du temps de sa prospérité, et la seule en Angleterre la pluscontraire, et en faict et en coraige. Si en tint-on diverses murmures contre elle, en multitude de bouces, et sauvages interprétations pluiseurs sur la nature de son infortune. Car y descendoit povre et seule , de biens disetteuse et toute désolée ; n'avoit ne credence, ne argent, ne meubles , ne joyaulx pour engaiger.

Avoit son fils ne son royal habit ne estat ; et Sa personne sans décoracion appartenant à royne. Vestoit son seul corps d'une seule robbette, dont n'avoit point de change.

Avoit sept femmes sans plus pour compagnie, et dont le parement estoit du meismes de leur maistresse , jadis une des pompeuses du monde, et maintenant la plus povre; et finablement n'avoit aultre furnissement , ne de quoy avoir du pain à mangier,

GEORGE CHASTELLAIN

Bean mem ES

sinon de la bourse de son chevalier, messire Pierre de Brezé, et de son sens ; qui meismes estoit en povrelé extresme, car avoit tout frayé et despendu en la suivant, et en maintenant la guerre contre les ennemis, jusques à en non’avoir puissance de soy ne aultrui ayder, nonobstant que du sien, comme il m'a dict, y avoit bien despendu cinquante mille escus.

Si fut chose piteuse à veoir, certes, ceste haulte princesse si desbarettée et mise dessoubs ung si estroit dangier, morant de faim et de mesaise , venir constrainte soy rendre en la mercy de celluy du monde dont fame couroit , ce savoit}, que plus debvoit estre animé contre elle et lui estre dur. Touttesvoies , espérant obtenir grâce envers y par excuses , et que son noble et hault couraige, par nature de son estat, se pourroit Commovoir en pitié envers elle, en sa basse fortune ne différoit et ne craignoit soy rendre en sa main , qui des accusations faictes contre elle par les ennemis se espéroit à parer devant ly, ou d'en attendre pugnicion a son ordonnance. Et alors, sur cestuy tiltre, envoya devers ly ung chevalier, nommé Carbonnel de surnom , lui signiflier sa descente, et instamment pryer avecques ce, que signiffier luy voulsist lieu et place où venir pourroit pour parler à 1y, qui estoit la fin souveraine de ses désirs, et la cause de son descendre en ses pays. Si est vray que jà long-temps par avant avoit obtenu du dict duc saulf-conduit pour passer par ses pays, et avoit de longue main proposé son descendre en ses terres. Si n'y faillit point, comme il appert; mès y vint humble et domptée, plaine de povreté, qui menasser soloit par son orgueil , le refuge maintenant de son salut. Le duc pour celle heure estoit en 'pellerinage en Bouloingne. Et comme la ducesse de Bourbon sa seur estoit venue aveucques 1y, par quoy logis y avoit estroit, et que y meismes avoit accident de maladie, ne craindi point soy traveillier pour une telle princesse de venir vers 1y. Et non faisant grand compte de la visitacion ne de la veue d'elle, gracieusement assez se para envers le message, disant : que n'appartenoit à faire ainsi, et que en eflect ne le vouldrait

souffrir ; pour riens nulle; ains plutost yroit meismes envers elle, ne fut l'accident de son mal, mès prestement il y envoyeroit ung chevalier pour la bienviegnier , et pour faire les excusacions envers elle selon le cas, aveucques aultres pluiseurs choses expédientes et convenables. Et visant ceste mesme charge mettre en main propre, y transmit ung messire Philippe Pot, chevalier de son ordre, tout digne à ce ; le quel ayant trouvé à Bruges messire Pierre de Brezé, s'en allèrent ensemble à l’Escluse où estoit la royne. Et là venu , le chevalier du duc fist honneur à la royne en son debvoir, et lui dict cequ'il avoit en charge. C’estoit que le duc son maistre se recommandoit à elle par moult en sa bonne grâce, priant que en mal ne voulsist prendre que lui meismes n'estoit venu devers elle pour la visiter, car avoit des grands affaires là où il estoit, et aux quels il lui convenoit entendre, sans eslongement du lieu, considéré que là emprès ly, et par l'ordonnance du roy, il avoit la convencion des Franchois et An-

glois, pour paix ou trefves générales entre

eulx. Par quoy possible ne lui estoit de bonnement en eslonger; aveucques ce aussi 11 estoit jà sur ung pellerinage à Nostre Dame de Bouloingne. Dont il pryoit que son excuse lui pleut avoir pour aggréable. Mès de tout ce qu'il la pourroit servir ne honnourer, ne faire complaire en ses pays, de bon cuer il s'y paroflroit et s'y vouldroit employer. Et au regard de ce qu'elle lui: avoit signiflié et requis , d'avoir lieu où elle peust devenir devers 1y., il lui pria que à ce il lui pleust déporter ; car il y avoit long chemin et pénible entre deulx, et le lieu où il estoit estoit prouchain de Calais, par quoy y povoit cheoir dangier de là traire sa personne, tant pour les Anglois qui estoient venus à Sainct- Umer en grand multitude, comme de ceulx meismes de Calaix. Et pourtant que avoit des fortunes plus que portables, devoit fuyr d'en attendre toutes les derrenières et finales, qui sont en dangier de corps.

Quand la royne eut oy parler le chevalier,

le quel en la personne de son maistre re-

mercia courtoisement de ses beaulx mots et de l'affection y contenue , et sentit que le duc s'ekcusoit sur le soufirir venir devers

CHRONIQUE DES DUCS DE BOURGOGNE. — II° PART

luy, et de luy assigner lieu, respondit et dict : « Seigneur de La Roche, au partir du lieu de la douleur où j'ay laissé monseigneur mon mary, icellui me chargea qu'en postposant toute rien terrienne, feust de dureté ou de bon eur, je ne laissasse point que je ne venisse devers beau cousin de Bourgoingne, pour parer mon seigneur mon mary et moy devers ly par excuses de multitude de rapports à 1y faits de nous par nos ennemis. Par quoy, en obéissant à cely commandement , et que moi meismes l'ay ainsi empris, et me suis venue descendre en ses pays, à cause non autre de l’ayde de Dieu , j'y yray etfle cherceray ; et soit péril ou non pour moy, je m'en mettray en tout debvoir. Si que , vous estes chevalier et estes. de son ordre; si vous conjure sur vostre chevalerie que vous devez à toutes dames desconfortées reconforter à vostre povoir, que me dictes et’ conseilliez ce qui m'en est à faire, ne quels pointes j'y ay à tenir. »

Quand le chevalier oyt ceste conjuraison, qui povoit et devoit estre cause de le faire parler, à l'aventure p'us que n’avoit en charge , sagement s'excusa, et dict : « Madame, je vous ay dict ce que j'ay en charge, et pourquoi monseignenr m'a envoyé vers vous. Au regard de vous conseillier en ce qui passe ma charge, et en quoy mon seigneur ne m'a point donné d'avis pour y respondre.

je ne m'y oseroie avancer. Voirement suis-je chevalier, et de son ordre indigne; et me vouldroye acquitter en mon devoir envers vous et toutes aulitres du cas, qui ne compéteroit que à ma privée personne ; mès d'une si haulte matière et qui m'est donnée en précis termes, je n'oseroye transgresser la com mission. » Lors respondit , et dict : « Sire de La Roche, vous avez faict et exposé vostre charge honnorablement ; et ne vous en peult nul reprendre. Mès-je vous ai aussi respondu sur icellle la charge que j'ay de monseigneur mon mary, et la delibéracion que j'en ay en.

moi meismes. Que vous vault doncques replicquer ne fuyr de me conseillier, pour peur de passer voste charge, quand la charge meismes que j'ay prinse et emprinse à faire, je Ja mettray à effect, se mort ne m'y grève? Car véritablement croyez, et int

beau cousin devant moy jusqu'au bout du monde , se le syeuvray-je plustost à pied, en mendiant pain, que je ne le cesse et treuve. Où doncques ceste conclusion est prinse en moy, et laquelle beau cousin vostre maistre ignore, quel los vous peut estre doncques de moy dénier conseil, quand je mettray à effect mon propos sans conseil de ame? » Quand doncques le chevalier vit le constant couraige de l'infortunée princesse, ensemble la fermance de sa parolle , respondit disant : « Déa ! madame ! puisque ceste conclusion est si formément prinse en ‘vous que nulle riens ne la vous peut faire changier, et qu'en délibéracion si estroite me demandez conseil comment mieulx pourrez faire, je vous conseille doncques :

que le plus simplement que pourrez tirez devers ly, afin que de vous tant moins soit de nouvelle ; jà-soit ce que je sçay bien que si cela il savoit, il en seroit vergoingneux et ne le vouldroit souffrir, mès viendroit devers vous. Doncques, puisque force vous est, et le plaisir tel de le faire, vueille-il ou non , force lui est bien de le porter, et à moy de non le vous rompre. »