CHAPITRE XVI
Comment le séneschal parla pour et au nom de la royne au duc Philippe
Ceste première devise ainsy faicte, la reyne, tournant l'oeil vers sen chevalier le seneschal , luy dit que parler voulsist pour elle et parfaire ce que mieulx sauroit faire que ly.
Si se mist le séneschal à genoulx; et comme coustumier de beau parler, mieux que homme de France en estat de chevalier, commença à dire : « Mon très redoubté seigneur, jà-soit il que peu coustumier soie de vray dire, et, qu'en manière d’un mondain parler, mes propres amis meismes ne me croient pas tousjours, toutesvoies présentement, contraire de mon usage, me voy et treuve constraint de dire vray, et de vous dire, combien qu'envis, celle vérité que j'ai conceue et acceptée en charge. Mon très redoubté seisrneur, veci que la royne d'Angleterre , transmise devers vous de par le roy son mary, est libéralement venue, meisme de propre courage, pour soy parer et excuser envers vous de multitude de rapports à vous faits, tous tendans à une fin de dure inimitié envers vostre seigneurie plus que d'autre vivant ; et par les quels rapports, comme la royne ici en présent, ensemble son mary, ont peu concevoir et entendre, vous avez peu avoir cuer indigné contre eulx, et non bon, comme non merveilles ; car s’ainsi estoit comme l'on vous a fait à croire, ce vous seroit matère de juste inimitié devoir former et avoir formée contre eulx, et de quoy s'en donneroient le tort. Mon très redoubté seigneur, le roy d'Angleterre et la royne cy présent, vous reputent entre tous les princes chrestiens ung de singulière récommandation; et ensieuvant la généralité des hommes et les voix qui vollent par les régions, vous recommandent le plus souverain en gloire eten terrien honneur des princes vivans, et Jà où plus reposent et reluysent glorieux faits, vertus, bontés et clarté de renommée, jusques meismes à la rondeur de la terre estre plaine par singularité de vostre fame; là où roy, aujourd'hui , ne de ‘ong temps, ne devant vous, tant ayt labouré ne, tant ayt eu de bon heur, et avancement ne a sceu parattaindre.
Par quoy, quand vous estes le prince en terre de vostre estat qui n'avez pareil , et que vraysemblable est que ce meisme soit en vous par quoy les bouches vous eslievent et préfèrent, et que meismes vivans livres et recors en sont pleins, et les ont veus, ne me puis defier doncques, qu’en ensieuvant le tiltre de vos vieilles meurs, ne les doyez desployer auourd'huy semblables à vostre nature, qui
GEORGE CHASTELLAIN
envers amis et ennemis avez grâce et fait d'avoir esté piteux et tyrable à clémence, à oyr constamment excusation, à vérité sentir etentendre, etaprès innocence sentue en cuer perplex , de revocquer vostre indignacion et de la muer en amour et digne affection. Ne doyez aussi maintenant envers vostre prochain sang vous monstrer tel, et qui estes ung des haults du monde, et dessoubs Dieu et dessoubs fortune plus aspiré de faveur, avoir compassion et regard en envers vos consambla bles venus à décadence, là où vertu et hauitesse de cuer, par nature de l'estat, vousi doivent mener triste. O doncques, mon très redoubté seigneur, qui voyez la royne ici présente, vostre si prochaine en sang comme chascun scet, avoir esté l’une des plus haultes princesses du monde et des plus puissantes , et estre tournée maintenant par tyrannie, par cruaulté, par desléaulté d'homme, et par perverse variable fortune non jamès oye telle, en misérable povreté, en expulsion de son thronne , et en toute confuse subversion de son estat; certes , a espoir icelle, et ne s'en peut deflier aussi, et moi aussi peu, que ne doyez par compassion la regarder ; et posé qu’à vous riens ne impute de son infortune, et ne content à vous traire en sa querelle, que ne doiïez vouloir au moins son bien, son honneur et son ressoudre devant ses ennemis forfaiteurs, qui riens ne vous sont, fors d'autant comme ils ont sentu et sentent que de vostre part leur est venu leur prévaloir sur icelle, qui aultrement ne vous sont riens de sang ne d'obligacion, si non que, en vous informant sur ceste noble royne et son mary pour vous indigner contre eulx, vous ont fait eslonger de charité naturelle, là où vous la debviez, pour leur prester faveur non, desservie, par adulacion cauteleuse. Mon très redoubté seigneur, bien scevent et de lon;; temps le roy et la royne présente : que divers maulvais langaiges vous ont esté recordés d'iceulx, et que mains pesans fardeaux leur ont esté mis sur le dos touchant vostre nl gneurie , et dont meismes ceulx qui ce vous ont fait accroire et sur les quels on se veult rapporter scevent bien que le tort en est devers eulx ; et ne sauroient mettre avant ne maintenir estre vray, comme : que le roy
Henry et la royne présente doivent avoir quis ou proposé de vous courir sus, aveucques les Franchois, et que à ceste cause les Franchois maintenans leur parti, contraire du duc d'Yorck, doivent avoir tendu tousjours pour deprimer l'aultre; la quelle chose n'appert. Ains, se Franchois sont venus en leur ayde, ou requis en faveur , ce n'ont fait fors en droite juste et léale querelle et tiltre raisonnable , comme qui au roy d'Angleterre Henry et à sa femme présente doivent, selon Dieu et raison , selon droit d'honpeur et de nature, porter faveur, là où le dict roy Henry est nepveu au roy Charles derrenier mort, fils de sa seur, la royue présente, niepce de la royne de France vivant aujourd hui, fille de son frère, mariée meismes
et donnée espouse par le roy Charles, que.
Dieu ayt! et livrée ensa maison au roy Henry de présent, maintenu lors et encore vray héritier de la couronne angloise, possesseur paisible du royalme sans contradiction. Dont depuis, en l’essourse et en la continuance de la rebellion contre luy de ceulx de son sang , et à cause de non souffrables ne tollerables entreprises faits par iceulx contre leur vray et naturel seigneur souverain , le roy susdict et la royne, non merveilles, ont quis et requis confort à ceulx où espoir leur
a donné à entendre que deffendre on les de-
voit d'oppression. Dont, si Franchois y ont volu vacquer, ils ont fait leur debvoir comme tenus par sang , et si les oppressés ont quis leur assistance de leur main, ce leur a foict contraincte de leur dur affaire. Mès pourtant n'arguë point que ceste question ne se faisoit au contraire de vous, qui au débat essours contre le roy Henry n'aviez coulpe ne cause.
Bien est vray et clèrement congneu du dict roy et de la royne présente ; et bien l'ont peu avoir dict : que s'il vous eust pleu autant favoriser avecques eulx comme ayecques le party contraire , il leur en feust de mieulx, et ne feussent pas venus à ceste fin. »
CHRONIQUE DES DUCS DE
BOURGOGNE. — Il: PART. 227
