CHAPITRE XWVIIL

Comment la royne d’Angleterre se présentoit tout humble, là où auparavant elle £'estoit maintenue la plus fière qui vesquit.

Moult sembloit estre chose estrange et digne d'admiracion que la venue de ceste royne icy devers le duc en telle humilité et contramcte, qui jusques à ores avoit porté le renom d’avoir esté la plus fyère énvers ly et la plus qui vesquit, et de qui les haines, comme soit qu elle s'en estoit excusée, estoient plus apparues et prouvées, combien que le duc lors, par pitié de haut couraige les laissa couler sans en faire poix. Si en fuisoient les unes bouches et les aultres diverses interprétacions, disans aulcuns : que moult estoit chose esmerveillable et quasi de Dieu dressée , que non pas tant seulement ceste royne, mès tous aultres du monde ennemis à ce prince, Dieu les lui envoya en ses mains humiliés. Et en avoit-on tant veu d'expérience avant cest, que tout oeilse povoit esmerveilier de l’aventure et de sa glorieuse fortune. Aultres disoient : que c'estoit péchré de son grand orgueil passé qui l’amenoit à ceste nécessité,

GEORGE CHASTELLAIN

par recongnoissance de son tort qu'elle avoit eu contre Îy. Aultres disoient : que c'estoit ung vrai jugement de Dieu, suspendu longuement depuis la mort du roy Richart , le quel piteusement et en grand dueil avoit esté privé de sa couronne, et confusément mis à mort par son propre sang ; dont Dieu, maintenant, sur le troisiesme hoir envoya la vengeance du délict, en le souffrant despouillé de la coronne mal acquise, et estre depuis misérablement et à toute povreté sans avoir pied de terre sien ; et de quoy ceste royne ici, cause et esmouveresse de tout par les parties qu'elle avoit prinses du régnant de son mary, portoit la pugnicion demérie. Dont, parce qu'elle voyoit maintenant et sentoit la congrégacion des deux rois de France et d'Angleterre estre à Sainct-Omer pour faire treives entre les deux royaulmes , doubtant ve pouvoir trouver en son grief préjudice , venoit à mercv maintenant à ce duc qui cause estoit et mouvement de ceste convencion, et avoit les deux roys et leur royaulme en sa main pour les mettre en concorde , là où de Henry le debouté ne de sa querelle ne seroit faicte mencion, ce pensoit, si non par ramentevance d'elle, qui meismes s'y estoit venue offrir en confiance de sage et de prochaine parente de 1y elle , comme au derrenier refuge. Et certes vray fui; car au monde n'avoit recours nul que cestuy , ni en son père le roy de Cecile qui riens n'y povoit, ni en s0n cousin germain le roy de France , de qui le roy Eduart ne tenoit compte, ne en son oncle aussi

le comte du Maine qui trop y estoit feble,

ne en quelconcque aultre de réal sang franchois, par ce que fortune alors estoit toute muée et devenue aultre que ne soloit estre du temps du roy Charles, en qui se soloit fyer d'ayde et de confort par son hault sens et régner ; dont seulement, comme exemple et preuve, estoit remets ce bon chevalier messire Pierre de Brezé , grand séneschal (1), de

(4) Pierre de Brezé, comte de Maulevrier, sénéchal d'Anjou, de Poitou et de Normandie, dont George Chastellain parle dans toutes circonstances avec tant d'éloges , fut tué à la bataille de Montihéry le 44 juillet 4465. Il y commandait l’avant-garde et était vêtu de la cotte d'armes du roi qu’il avait prise pour donner le change à l'ennemi.

11467] qui tout le surplus des Franchois avoit tiré service léal et chevaleureux exploit jusques à non en povoir plus , et le quel maintenant, avec le nouvel roy Loys regnant, n'avoit ne auctorité ne povoir ; ains comme se l'on l'eust voulu perdre , ainsi que Jason fut envoyé en Colcos, fut envoyé aveucques ceste royne en Angleterre combattre là sa querelle , lors-

que Henry expuls vivement de son royalme

jvivoit mendis et par emprunt en Escosse ; ” certes là où cestuy chevalier telement se porta et tant y monstra de sa vertu, que, au contraire de ceulx qui quéroient peut estre son mal et son perdre, il multiplia et accreut sa gloire et refortifia sa fortune. Et n'avoit point tenu en son hault vouloir que son maistre le roy Henry, le quel il servoit, ne fust ressours en honneur. Mès là où les disposemens célestes contredisent aux labeurs terriennes et humains exploits, là se monstrent vertus et haults couraiges pour néant, ce luy sembloit, et nes’en peult traire efficace.