CHAPITRE XX

Comment le duc print congié d'elle et s’en alla à Sainct- Omer, lui promettant d'avoir son cas pour recommandé.

Tant seulement demora une nuyt le duc à Sainct-Pol emprès la royne angloise; et le lendemain , par un vendredi matin, fit venir la ducesse de Bourbon sa sœur devers elle, print moult humblement congié à icelle royne en ly offrant son povoir, lui promist d'avoir ses äffaires pour recommandé , et de non souffrir jamès , en tant qu'il pourroit, qu'aulcunes choses fussent faictes à Sainct-Omer en son préjudice. Mès comme le roy franchois meismes y avoit ses ambassadeurs et ses gens, des quels elle se devoit fyer, ce disoit, comme qui tenus estoient à elle, ne voult pas prendre toute la charge sur luy, de peur des aventures et des conclusions qui là seroient prinses, ne sçavoit quelles. Contente moult haultement ladite royne, celuy mist le cuer en paix et en repos plus qu’oncques n'avoit: eu; plora de joye et de pitié à lui dire adieu, et

bénissoit l'eure quand oncques s’estoit travailliée de venyr vers ly; et disoit que jamès si bon exploit n'avoit fait depuis sa fortune muée. Le duc monta à cheval et s'en alla.

Et prestement luy party et que environ povoit estre près d'une lieue, vint ung chevalier vers elle, et lui porta deux mille escus d'or avec ung riche diamant, que le duc lui fit pryer qu'elle le presist en gré. Et estoit le diamant de grosse estime. À ses trois damoiselles fit donner à chascune cent couronnes d'or , aussi cent escus d'er au grand seneschal, et deux cens aultres escus à ung chevalier son parent , nommé messire Jehan Charbonnel. Et fit ffire ce personnage après son partement, pour fuyr les remercimens des ungs et des aultres, de quoy ne quéroit la gloire.

Vint doncques la ducesse de Pourbon devers elle à Sainct-Pol, là où arrière eut ung nouvel rassemblement, moitié de ris moitié de pleurs. Se conjoyrent amiablement ensemble comme deux seurs, là où la royne conta de ses aventures à la ducesse qui moult y prist de pitié, gt desquelles nulles semblables ailleurs ne sont trouvées en livres, tant en cas de povreté et de misérable estroicte faim comme de dangier et de péril de mort par maintes fois entre les mains de ses ennemis, disant que trouvée s'estoit, l'espace de cincq jours durant, que son mary, le roy son fils et elle n’avoient pour eulx trois que ung harenc, et non pas du pain pour nourriture d'ung jour; . et que par ung jour solempnel, s’estoit trouvée à la messe, non ayant ung noir denier pour offrir; parquoy mendicque et disetteuse, pria à ung archier escot de lui prester aulcune chose , qui demy à dur et à regret luy tira ung gros d'Escosse de sa bourse et le luy, presta. Conta aussi comment , à la derrenière mal-eurée desconfiture où elle fut prinse et saisie , elle fut robbée et pillée de tout son vaillant, de ses royaulx joyaulx et abis, de ses grosses vasselles , et des trésors les quels cuidoit aller sauver en Escoce; et les quelles toutes prinses, qui riens ne lui estoient’au regard du surplus, fut prinse meismes et saisie au corps, vaillamment arraisonnée , courrue sus à espée traicte , prinse pour lJ'atour du ebiei , pour luy tranchier le col, menassée de

GEORGE CHASTELLAIN

divers tourmens et de crudélités , là où elle, ruée à genoulx et les mains jointes, gémissant et plorant, prya que, pour honneur de:

divine pitié et humaine . et l'honneur de toute noblesse, souverainement de feminine nature , la voulsissent prendre à mercy, et qu'en prenant compassion de son povre mal-euré corps , voulsissent recongnoistre au moins, comme malheureuse qu'elle estoit là entre leurs mains , que toutesvoies estoit elle fille de roy, et aultrefois eulx mêmes l'avoient recongneue et tenue pour leur royne; parquoy , se maintenant’ leurs mains se souilloient en son sang , la cruaulté en demoreroit empreinte en Ja mémoire des hommes par tous siècles. En disant ces paroles, tousjours plouroit si fondamment , qu'il n'y avoit créature raisonnable qui n’en deust prendre pitié, avec ce que persévéramment s'escrioit sur la misé-

ricorde de Dieu; dont les cieux conceurent

la clameur; car prestement et comme par envoi de Dieu, commençalung tel discord et desroy entre ceulx qui l'avoient prinse, pour cause du butin et du gaing de sa despouille, que furieusement tuans l’un l’aultre, comme gens enragés, n'entendirent plus à la très doloreuse desconfortée royne leur princesse , mais l’abandonnèrent, fuyans l’un ci l’aultre là par impétueuse fureur, pour tuer ou estre; occis, affin d'entendre et ravir leur proie à part, l’ung d'ung costé, l’aultre de l'aultre; dont il en ensuivy grosse occision. Sur quoy, quand ceste povre royne vit ce, et que luy sembloit bien que c'estoit ung droit divin envoy, parla piteusement à ung escuyer qu'elle vit là, et luy prya que, en onneur de la passion de Nostre Sauveur Jesus-Christ il print pitié d'elle, et de luy aider qu'elle peust estre sauvée. Si la regarda l'escuyer, et Dieu lui fit concevoir une pitié envers elle, par la quelle il lui dist : « Madame , montez darrière moy, et monseigneur le prince devant, et je vous saulveray ou je y mourray, combien que la mort m'y est plus apparente que aultrement. » Si monta la royne et son fils. Et donna Dieu tel amusement à tous les aultres que nul d’eux oncques ne perceust leur partement; ne sis le perceurent, si ne leur en estoit riens, pour entendre à leurs propres vies.

Ut y avoit il une prouchaine forest du lieu vü cecy avint. Si ne dé:ira la royne, fors estre en icelle pour estre hors de la veue des aultres. Si y tira tout droit l'escuier, non pas sans peur. Et tant fist qu'en la forest entrèrent sans encombre, là où n’avoit arbre toutesvoies, qui ne semblast à la royne que ce ne fust ung homme à espée traicte et qui ne lui escriast : « À la mort! » Car avoit la cervelle et toutes les veines du corps pleines de crudelles menasses et impressions qui luy représentoient mort, dont jamès ne cuidoit eschapper. Avoit touttesvoies tousjours ung regard sur son fils plus que sur elle; et disoit que au fort, de ly ne povoit chaloir si elle moroit ou non; mès de son fils, réputoit la pitié trop grande se perdicion en estoit faicte ; car c'estoit le vray hoir de la couronne , et par qui vie une fois , elle avoit espoir, tout retourneroit à sa droicture. Si avoit tant grande et extreme paour de cest enfant que, non chaillant de sa vie propre à sauver , ne quéroit que la sauveté de son fils; car ne pensoit jamais vuyder de ceste forest sans estre rattaincte arrière de ses ennemis , là où en la mort de tous les deux, et de l'escuyer aveucques, n'y avoit point d'espargne.