CHAPITRE XXI
Comment la royne et son fils passant par ceste forest trouva ung brigand , et de la pitoyable complainte que elle fit.
Or y avoit en celle forest coustumier repaire de brigans , et dont la fame par pays portoit d'estre impitéables meurdriers coppegorges. Si advint, et comme Dieu veult peut estre pour tant plus faire mytérieulx l’infortune de ceste royne , qu'ainsi que toute se tourmentoit en sa doloreuse adversité, et se lamentoit à son escuier de son ennuy, survint ung brigant hydeux et horrible en veue, prest et adonné à faire tout mal. Et meu comme visant proye à soy rassaisier, ce lui sembloit, en ce que avoit de coustume, approucha à la royne à intencion de y mettre main ; et pensant la calengier et ce qu'elle portoit, ne varia en faire comme des aul-
CHRONIQUE DES DUCS DE BOURGOGNE.—I1I° PART
tres, mès après prise obtenue. Comme doncques ceste noble royne véit ce, et ne pensoit fors que mort tousjours, de quel lez que venir pourroit, fust du costé des ennemis dont elle estoit eschappée, fut du costé des brigans dont maintenant véoit l’évident exemple, angoisses à tous lez à double mort la surprindrent; et voyant que du péril ne povoit eschapper, si non par grâce de Dieu meismes, appela à venir devers elle le brigant, et le prevint en parolle ; et monstrant que d'elle ne lui estoit riens, morut ou non, envers seule amour maternelle , tourna ses yeulx vers luy em disant ces parolles : « O homme né de bonne heure, se tu, après taut de maulx que tu peux avoir fais, te convertir puisses à faire ung bien dont par tous siècles sera mémoire. Tu es, comme je suppose , ennemy à tous passans, et de nullui amé, doubté et cremu comme la mort, car tu Îa portes ès mains, et ne sceus jusques aujourd'hui ne n'agoustas jamès que c'est de compassion ne de pitié, si non que le sang chrestien que tu as fait randir sur terre t'a peu commovoir l'humanité plus que de beste meue. Or a esté aultresfois ton usage de quérir ce en quoy tu penses exercer ta cruaulté, et de mettre tes espies et aguets pour saisir ès mains les humains corps. Et moy ores, non pourgettée ni circuie de tes las, te voy appelant meismes, et priant que tu viengnes vers moy, comme se lasse feusse et ennuvée desormès de vivre, et non ayant eure d'eschapper tes cruelles mains. Et certes, bien le dois penser estre tel, qui meismes à ceste intencion te fais approche , sauve merci que je demande. Dont, pour ce que tu n’en füs oncques cbustumier , et que ton cuer est cruel, et qu'oncques telle prise ne te cheut ès mains, je, pour vaincre ton ancien usage et le faire tourner à pitié, te viens ruer entre tes mains , la misérable et doloreuse royne d'Angleterre , ta princesse , la plus avieutie de fortune qui régnast , et la plus percée d'amers aguilons de mort dont jamès veu fut en livres. O homme, se tu as aulcune congnoissance du nom de Dieu, ne se ton humanité a conceu aulcune chose de sa passion, nostre salut , si te prenne pitié doncques, en
\ l'onneur d'icelle , de ma misère; et qui ne re-
82 , fuse au fort la cruaulté estre monstrée en moy , saulve au moins et espargne de mort ce jouvenceau, le fruit de ma ventrée, la geniture et seul unicque fils de ton roy, futur vray hoir, se Dieu plait, du réaulme dont tu ès suppos ; saulve le et lui bille garant entre tes bras. C’est ton roy à venir, et celuy dont les cieulx prendront la bonté à lui faicte et la te mecWont au front devant Dieu, là où de mille ans peult estre, non dès le commencement du monde , ne fut jamès monstrée si glorieuse euvre, quand tu, cruel des cruels , en l'espargne et sauveté d'ung seul enfant, auras sauvé cent milliers de vies par pitié non apprinse. O! etcomme eureuse tacrudélité, alors que tirée à compassion effacera toutes inhumainetés passées, et comme bien euré l’estat du brigant , quand capable d'une royne d'Angleterre et de son fils pour povoir occire, aura esté faict salutaire refuge de leurs vies; contraire condicion non à croire oncque soye ! ô homme ! gaigne Dieu aujourd'hui en ta part, pour délaisser une triste mère ; et en donnant vie à la morante, sauve aussi de mort en aultrui mains l’innocent réal sang que je te livre ; non à intencion que tu le me relivres, mès qu'en tes mains homicides tu l'absconses et couvres contre tous aultres. Certes, se tu scés prendre bien, moult est digne aujourd'hui et eureux ton indigne estat, le quel cremu à paine de la vermine du bois, est requis ores pour manteau de salut à ung des grands de la terre. Et à toi sera grand eur meismement grâce et glorieuse aventure, de son cachier désormès aveucques toy en tes bois et buissons, de son embler et celer ès fuellages de la forest, mengeant glands et racines au besoing aveucques les porcs, et de veoir et apprendre tes cruelles inhumanités, s’ainsy avient, comme ton disciple, et là où le coucher en froide terre, en dur et aigre repos, vivre comme beste non comme homme, attendant perdicion d'âme et de Corps, certes ce lui sera arrière comme chambre de royal atour ; ce lui sera lit de jocondité et de solas; ce lui sera compaigne et adestrance de baronnie ; et reputera plus ricesse en celle povreté, avoir vie saulve,
qu'en splendeur et possession de couronne non à gouster les variabilités de fortune. O
GEORGE CHASTELLAIN. -
homme, je te fais aujourd'hwi le ventre de mon enfant; je te constitue saing et tettin qui l'a nourry; je te fay père et mère de mon portage. Et je, qui en dèusse estre sauveresse , devant les hommes je te le mets en main meurdrière des chrestiens. Fay, te supplie, mon requérir ; sauve mon fils et le me garde, le quel, se Dieu vouloit envoier l'eure de son ressourdre , te pourroit remérir haultement cestuy service, dont jamès si estrange ne si hault mystère n'escheyt en main de tel homme comme toi. »
