CHAPITRE XX VIIL

Comment le comte de Charoloiïs se rendit comme vaincu (4).

“A {ces parolles et samblables le comte presta escout, et comme se donnast révérence au parlant, le paroyt sans rompre.

Dont , à chief de pièce fit encore aucunes replicques dessus. Mès ne tint riens roide, pour cause que jà estoit amolly ung peu et reduit à pitié filiale envers père, jà-soit ce que des autres et de sa querelle contre eux le cuer lui fendoit d'ennuy, disant : qn'il pryoit à Dieu , que Dieu l'en voulsist venger,

GEORGE CHASTELLAIN

et tant faire que la vengeance n'en venist:

pas jusques à ly pour en avoir le péchié.

Ainsi toutesvoies il se rendit vaincu; et se disoit que si monseigneur son père vouloit estre prest de le recevoir en grâce, ly aussi seroit prest de soy disposer à ce, et de soy mettre en tout devoir; et promettroit et donroit sceureté telle qu'on vouldroit : que jamès ne prendroit argu, question ni querelle à l'encontre du dict seigneur son père ; se tiendroit près de ly entel estat qu'il lui plairoit, et ne fust qu’à trois ou quatre cheyaulx; ne fereit riens que par son ordonnance ; et vivroit et morroit avec ly, comme bon et humble fils. Dont et aflin que cecy venist à fruict et effect, prya au seneschal qu'il en voulsist estre moyen, et léalment il accompliroit ce qu'il avoit dict. Si en fust moult joyeulx le dict seneschal; et dict certainement que si feroit il, et qu’à ceste cause en partie, partie aussi pour aller remercier le duc des biens qu'il lui avoit faits au partir de Sainct-Pol, il yroit à Hesdin devers ly; et là feroit et practiqueroit ceste matière au plus beau de son sens, quoique la chose il la jugeast bien grande , pour cause des Croys qui le romproient, ce faisoit doubte.

Et à tant et sur ces entrefaicts la royne se party de Bruges; et en la conduicte des gens

(4) Ce titre manque dans le manuscrit d'Arras et m'est fourni par la table des chapitres du manuscrit de Paris.

SR A EU PGO PQ NO mm 6

du duc, et à ses despens par tous ses pays fast menée jusques en Barrois, là où les gens du roy Regnier son père vindrent au devant. Et la receut de leurs mains , les haultement remerciant de par le dict roy. Et le seneschal pareillement partit de Bruges, et s'avoya devers Hesdin. Et le comte avec sa famille qui estoit belle, monta à l'Escluse en mer et s'en alla en Hollande où estoit sa compaigne , À où incontinent avec son arriver receupt les nouvelles comment le duc son père lui avoit cassé et rompu toute sa pension, et privé de tous bénéfices accoustumés, comme se riens ne feust au duc de sa personne ne de son estat, ne que d'unr estrange; là où le noble comte, posé que dur lui estoit de le porter, se monstra moult sage et vertueux et prince de haulte façon, car prestement fit convenir devant ly tot ce qu'avoit de gens nobles et non nobles, prestres et clercs, mesmes jusques aux enffans de la cuisine et toutes aultres offices; et eulx venus devant ly, commença à les arraisonner meismes ; et leur dist ainsy :« Enfans qui estes icy induis, mes serviteurs en estats et offices, il a pleu à monseigneur tout nouvelement moy rompre mon ordonnance , et de m'avoir tollu et reprins ce de quoy vous et moy solions vivre, et de quoy je vous povois faire aulcun bien; laquelle chose me doibt estre assez matière d'eshayssement , et plus d’anauy de cuer pour sa dureté de tuer, que pour souffreté nulle que j'en puis porter en faim nien mésaise. Mès il est mon père et mon engendreur, et peut faire de moy son plaisir sans mesprison; et moy qui son enffant suis et le doibs honnourer , le veulx humblement porter et prendre en gré, sans y mettre murmure. Espoir que sa grace se reploiera envers moy et le reduira à paternelle nature en pitié de son enffant, qui n'ay rien mal faict, Dieu los! si mauvaises gens ne le procurent, par quoy traicter me deust en cest endroict, ny en aigreur, ne estre si dur ; quoique belle m'est ét plus grand joye que ce soit sans coulpe qu'à cause. Or, mes enffans, qui m'avez servi long temps et aviez en espoir , et non sans cause, de traire de vostre service refribution , comme je m'y sens tenu ; maintenant vostre espoir vous duibt estre

frustré et vos cuers deceus en leur attendre sur moy par labeur et diligences. Car, jà-soit ce que vous ayez la personne encore en son bon vouloir , si faillez vous à cely qui ait les biens , dont les fruits devoient redonder en vous; car sans homme, sans richesse , sans terre et sans fondement, despouillé tout nud, sans famille à quoy tant seulement la racine donne nourrechon de vie, parquoy, qui n'ay que la vie, sans substance pour icelle soustenir seule, mal pourroie à vous deux ou trois cens soustenir les vostres , qui au desespoir suis de moy seul. Mès pour ce que j'ay amour et dilection envers vous, et que je desire qu'à vous appère men vray léal vouloir, et que fortune pour cecy ne me peut espoventer ne moy desjoindre de vostre amour, vous qui avez des biens de vostre propre, de vos terres et rentes, et avez confidence en moy avec dilection, s'il vous plait, persévérez avec moy en ma fortune; vous non asseurés de moy, ne m'eslongerez povre ou riche. En parolle de prince et en léaulté que à Dieu doy et honneur, ma fortune muée en mieulx, je le vous retriburay si haultement que vous en aurez joie et moy los, et des premiers deniers qui jamès me viendront, serez restitués et salisfais jusques ‘au dernier denier de vos mises. Et vous les aultres qui estes povres et n'avez de quoy vous peussiez endurer avecques moy, si vous plet vous retirer en vostre endroit, chascun à son mieulx et prestement, quand vous orrez dire ma fortune estre changée, vous retournés vers moy, tout et en cely mesmes estat où vous estes présentement, chascun sans y avoir changié ni mué, vous vous retrouverez en vos lieux sans que jamès je y boute nuls autres ; et me serez les bien venus et les bien reeueillis; et desserviray la pacience que vous aurez portée en mon nom. »

. Lors oyt l'on voix lever et larmes espandre et clameur ruer par commun accord : « Nous tous , monseigneur , finirons aveucques vous et mourrons. Tous nous demeurerons près et adjoins. Et povre vous servirons aussi ardamment comme tout riche. Nous meismes de nos mains et labeurs vous nourrirons, si besoing vous faict, et ferons le pourchas de vostre necessité en nostre solicitude.

CHRONIQUE DES DUCS DE BOURGOGNE. — II: PART

Male honte aient nos corps, dont les cuers seroient jamès si faillis que de vous laisser pied , et qu’ils ne doyent ains mangier terre comme ung ver, que d'abandonner vostre baultesse pour court ou long mésaise, et de quoy Dieu et les hommes, et meismes vos | propres ennemis nous diroient blasme. Mon- :

seigneur, vivez et souffrez (1). Donnez vous : joye de ceste adversité ; car rien ne neus est dur de souffrir pour vous; ains nous est joie de nous esprouver en nostre dur. Et là où les chevances ne pourront suffire à vous syeuvre en eslat, nos corps persevereront en leurs debvoirs, possible jusqu'au terme de recréandise ; et jusques là nous aurez tous. »

Le comte lors voyant l'affection de ses serviteurs et’ comment amour les avoit menés à larmes de compassion envers ly, ly aussy envers eulx soy trouvant commeu en ferveur, fondy larmes de pitié aussi pour recompense de leur francise, disant : « Enfans , je vous mercye de vostre amour; et si Dieu me donne jamès vivre, et que j'aie en quoi le vous pouvoir remunérer , le ciel m'oublie et le proviseur de lassus, si je n'en recongnoys l'œuvre. Or vivez doncques et souflrez; et moy je souffreray premier que vous ayez faulte. »

Si furent faites chieres lors. Et venoiert divers seigneurs ungs et aultres, gentils hommes et notables personnes , eulx offrans à ly de corps, d'argent et de tout leur chevance, disans l'ung : « J'ay mille », l'aultre : « Dix mille pour mettre pour vous et pour attendre tout vostre advenir‘ et ne faubdrez du vostre tant qu'ils se partent, se Dieu ne vous fault. » Eten effet tellement et se bien en fut ordonné, que de ceste heure en avant jamès un poulet n’en vint moins en cuisine, ne restriction ne s’en trouva faicte en nuls estas d’ung de nier vaillant. Et se comptoit la despense des escrous et la monte des gaiges et des pensions ordinaires, comme s'il eust eu finance à souhet. Et le comte n’en fit moins semblant de bonne chière, et plus n’en fermoit sa main libérale de donner coutumière. Une chose avoit tant seulement reservé le duc, c'estoit que

(4) Sachez attendre

touchier ne voloit à l’estat de sa belle fille la comtesse , lequel il laissoit en son entier; et ne voult pas qu'elle sentist l'indignacion jettée sur son mary, qui en riens , las! n'avoit coulpe. Et à tant je laisse comte et comtesse en cestuy destroit, pour retourner à l'aultre matière, la quelle me ramenera arrière sur leur personne quand il sera temps.