LA

plus loing saut ailleurs. Car pour ce qu'on perceut après de eulx, cela et aultre chose frent-ils à fin couverte.

GHAPITRE XXX.

Ceuix qui estoient commis de par le duc sur le traicté . des deux roys.

Les gens du duc qui ce traicté menèrent estoient, comme j'ay dict : le seigneur de Croy, comme chief à deux lez, messire Jehan de Croy son frère , le seigneur de Lannoy, le seigneur de Rabbodengues, messire Pierre de Miramont, le président de Bourgoingne, messire Pierre de Goux, et plusieurs aultres; les quels fin à fin que aulcanes diffcultés chéoient grandes et pesantes, envoyèrent battant devers le duc à Hesdin pour en avoir son avis. Si y avoit, comme j'ai dit, longues trainées et diverses suspenses premier que faire conclusion; pour cause que tant François comme Anglois se tenoient roides. Et n'eussent jamais traictié lesdicts Anglois avec les François , si n'eust esté en faveur dudict duc, le quel ils honnouroïent comme le roy propre; et l'avoient ainsi de commandement.

Et disoient plainement lesdicts Anglois : que <e qu'ils faisoient et se souffroient approcier, <e faisoient-ils en l'honneur et révérence du duc et non du roy Loys, car de cely n'avoient que faire, car ne le craignoient ne aultrement , comme leur fier parler qu'ils ont d’ancienne costume est assez congneu.Toutesvoies assez se tenoient à mal contens que le duc personnellement ne comparut pas à la journée de tout le temps que là estoient ; et s'en doloient les ungs aux aultres disans, que s'ils n'eussent pensé que là deust estre venu une seule fois au moins, n'y feussent jà entrés.

Aussi ceste ambassade estoit une des notables et des mieulx fournies qui avoit esté, passé chinquante ans. Enfin toutesvoies se rappaisèrent, parce que le duc leur fit remonstrer comment le roy Loys luy avoit mandé qu'il venreit à Hesdin vers ly; parquoy il n'osa bouger , parce que le jour de son venir n'estoit point certain, et véritablement aussi, <e povoit dire, que n'eust esté l'attente du roy, il y feust allé les visiter. Si s'en tindrent

mHRONIQUE DES DUCS DE BOURGOGNE. — II: PART. 245

à contens. Ung soir le seigneur de Lannoy les festoya par une haulte fachon, etsi randement qu'oncques n'avoient veu, ce dirent, tel appareil. Si l'avoient fort en grace les dicts Anglois, et le reputèrent grand homme. Aussi il avoit esté en Angleterre devers leur roy, qui moult le prisa et honoura. Si firent tous les grands du royaulme, car moult estoit ingenieux bomme , et de plus nouvelle entrée qui avoit esté veu , sage et beau parlier, et riche puissamment de tous biens. Et eust bien desiré le roy Eduard l'avoir achatté, comme j'oys dire, ou ung semblable, ung très hault prix , quoiqu'à cc ne fust jamais parvenu touchant sa personne.