CHAPITRE XXXI
De l’imposicien que le roy mit à Paris pour le rachat des terres sur Somme.
Cecy se faisoit tout comme au commencement de septembre , et que le roy alors estoit à Paris. Et là entour, practiqua à tous lez argent, et bien estrangement, pour le rachat des terres sur Somme. Dont pluiseurs se dolurent de sa manière, car passoit règle et cestume, équité et bon usaige, ce disoient les traveillés ; et à quoy ne par fait, ne par prière, ne par excuse, ne par voie de pitié, nul ne povoit contredire ne tant faire, s’il estoit mis au billet aveucques les nommés, qu'il ne passast par là, les ungs par don, aultres par emprunt , aultres par amendes et restitutions , jusques en faire grand murmure ; et de quoy wutesfois riens, ou bien peu, chailloit aux coucueilleurs ; car c'estoit lors ung droit « faire le fault », ce sembloit, et en quoy volonté avoit plus cours que raison. Dont l'argument qui se faisoit dessus contre les murmurans.
c'estoit que le roy alleguoit, et aultres de par ly, que mieulx valoit prendre de près Parisiens et aultres, ung peu contre règle, et oyr leurs murmures, que les terres engaigées qui touchoient à la chose publique du royaulin:
demorassent en la main du duc de Bourgoingne, en plaie trop plus griève que l'argent prins. Et voirement le monstra bien le roy; car oncques bien n'eust ne repos depuis l'entamement qu'il en avoit faict faire au duc
pour les ravoir , jusques à qu'il les reust en sa main et les eust affrancis et arrachiés des ongles de Bourgoingne, là où il les voyoit envis. Et encoire plus envis les eust souffert demorer longuement, de peur qu'avoit que le duc d'aventure , qui estoit vieil et de dangereuse vie, ne morust premier que les ravoir rachatées ; car son fils le comte de Charolois succédant, et qui estoit jeune et vert, et dur malement à ployer, les eust peu tenir à fer et à cloux, et non tostles restituant à la première demande. Si se hasta le roy pour ceste cause, tant qu'il peust. Et peut estre trouva les moyens en ce temps cy du vivant du duc, les quels n'eut jamais eu ne peu trouver du régner du comte venu à succession. Car sentoit bien que temps couroit emprès l'ung et emprès l'autre; et par ainsi, du temps qu’il voyoit et sentoit luy estre propice, il s'en aidoit et se refaisoit tandis qu'il estoit heure. Or estoit l'argent du premier payement tout prest à Paris, est assçavoir deux cens mil vièse coronnes d'or de soixante-douze au marc ; le quel-payement le duc avoit mué de grace et remis, à singulière requeste du roy et de ses ambassadeurs, en deux cens mille escus courans. Si fit partir le roy cest argent de Paris, et conduire en forte main armée jusques à Eulx , et de là à Abbeville, là où les gens du duc farent mandés pour le recepvoir ; les quels y allèrent. Et finablement en forte main aussi le duc le fit venir à Hesdin et le mit en ses coffres. Et le roy practiquant tousjours sur le surplus , se vint tenir à Pontoise avecques la royne , là où il fit beaucoup de nouvelletés en préjudiciant les nobles du royaulme, princes et barons. Car par toutes villes et pays fit bruler et ardoir et consumer en feu tous les harnois du royaulme, pour tendre au gros et au mean, et fit deffendre toutes forests à tous princes et seigneurs, et toutes manières de chasses à qui qu'elles fussent , si non soubs son congé et octroy. De quoy il acquist grand murmure contre luy, et assez de couvertes viauntes en diverses terres.
GEORGE CHASTELLAIN
