AT

le seigneur de Croy ou son nepveu, se tindrent en l’auctorité souveraine, tant comme ils polrent. Et tant s'y grandirent et fortifièrent à tous lez, par mariages, par offices , par acquests, par dons et limpétracions du duc et d’ailleurs, qu'il sembloit lors, et ainsi le conjecturoit-on, que se le Duc d'aventure feust allé de vie à trespas, ou que mutacion feust venue contre eulx par noises ou brouillis de cour , ils en eussent peu ou volu maintenir leur pan à l'encontre du comte fils, soubs da main cachée du roy, de qui s'estoient fortifié ; jà-soit ce que en couvert, pluiseurs nobles gentils chevaliers et aultres qui ce virent et congneurent, dirent bien lors : que c’estoit un fortifiement de petit espoir , et le quel en toutes ses manières de faire eust esté plus honnorable pour eulx non fait que fait; car sembloit au jugement de chacun, que aveuglés estoient en leur fortune, et que descongnoissement avoit en leurcas, quand, par puissance ou auctorité empruntée, comme grande encore qu’elle peust estre et K quelle ne vient point de patrimoine ne d'estoc principal, ils pensoient, ou présumer osoient, ou oseroienttenir point jamès ne estrif à l'encontre de leur seigneur naturel, soubs qui père ils seroient et auroient esté faits et eslevés, l'ung des grands princes delaterre. Par quoi, se leroy ou aultre les voloit ou vouldroit porter pour le temps futur , guerres et malédictions sourdroient contre ly propre en son royaume, par vouloir fouler son sang-pour gens estranges, et ung noble et hault fameux prince pour une petite maison de vassal. Certes et jà-soit ce que ung homme en son aveuglement peust proposer et présumer ung tel entreprendre, et faire ung hault édifice ès nues, toutesfois n'est et ne me peult estre vraisemblable, que nul, ne prince bien avisé, ne vouldroit prendre ceste question en main, de peur meisme que l'exemple donné à ses propres subjects ne luy redondast enfin en paye du meisme. Car se cuer de prince en ung sien pays het orgueil et presumption contre ly, en ung son moindre subject ou vassal, celle mesme loy a un aultre prince en son royaume ou ducié, d’hayr et voloir déprimer semblablement l’orgueil de sonsubject , aussi bien lung que l'aultre.

Ceci toutesfois n'ay-je point escript en déturpaænt la querelle des Croys, més en re-" preuve et reboutement des aveugles qui en tel faire se nrésuseroient ; que j’espoir certes que le bon noble seigneur n'est daignié ne volu ; car sembloit pr'eud'homme, et tel je le maintenoie. Mès ay escrypt seulement Îles devises et les interprétasions qui s’en faisoient alors sur les apparences extériores; là où une seule chose et singulière ici est eontée et notée, pour cause qu'elle consonne assez aux devises des gens de ce temps : c'est que messire Jehan de Croy, celuy qui s'appelle seigneur de Cimay, et qui le plus de son possès et povoir avot er Haynauit, iceluy vuellant, . Contre priviège et ordonnance de la vitle de Valenciennes, boire vin sans malle-tolte en icelle ville, ne se voult tenir à content que les gens d’icelle ville luy accordassent, pour cause de son autorité et par cremeur, aulcune tasse de vin ou d'argent pour satisfaire aux assises ; mès Îles demanda et proféra de bouche meismes, et les fit demander, en plaine congrégacion du peuple , à boire en toute celle forme et manière et par un meismes et égal parti comme le prince. Laquelle chose fut interpretée en mainte bouche estrangement , et machiée et retournée en murmure contre luy. Et disoient lors les gens que c'estoit ung hault mot, et dont le taire ley eust esté plus bonneur que Favoir assis.