CHAPITRE XXXIL
Comment le roy manda au- duc Philippe ne venir au devant de luy quand il viendroit à Hesdin.
Ce premier payement fait, le roy manda au seigneur de Croy, qui pour celle heure estoit à Sainct-Omer , en la convencion, comment qu'il feust , que vers la fin de septembre il venroit à Hesdin veoir son bel oncle; et luy si gnifioit et mandoit que pour nul riens le duc ne se bougeast du dict Hesdin, ne ne s'avanchast de venir au devant de y loing ne près ; ou certainement , se cela voloit faire , il ne le venroit jamais veoir , et reculleroit en arrière de ly autant qu'il s'en estoit approchié. Le duc aussi en eust unes autres, toutes telles lettres. Le quel voyant le plaisir du roy estre tel, ly aussi ne restiva à l'encontre; et se tint chauld et aisé en sa maison. Et venist le roy quand ly plairoit, ce distil, trouveroit son hoste qui lui feroit honneur et service qu'il porroit; et en eflet avoit bien bon voloir de le recepvoir bien à son povoir. Pendant le quel temps , le duc en surattendant le roy fit bonne ehière, avecques la ducesse de Bourbon sa seur. Et furent tous les soirs en banquet ensemble et en toustes bonnes chières faire, réservé d'ung point; c'’estoit que le comte de Charolois n'estoit point là, et que le père et ly estoient en discorde à cause d’aulcuns. Dont la povre ducesse moroit d'annuy ; et le duc, posé qu'il n'en fit semblant par dehors, si en cuisoit-il d'ayr et de felleté en son couvert courage. Et proposa souvent , ce disent les aulcuns, de faire du domage assez, par despit et corroux de ce que Je dit son fils ne voloit à nuls fins venir devers ly, comme se tout froit fut et eslongé d'amour filial, par contraire de paternelle amour qu'envers |y avoit, comme vray père.
Si s’en despitoit à part ly et en rongeoit son. cuer ; et en telle mérancolie si s’aigrissoit tant fort qu'amour contourna en appétit de venger et de l'avieutir pour felleté. Et sembleroit, et en couroit voix assez lors, que durement luy plaingnoit sa haulte plentiveuse succession des pays qu'il avoit et dont il estoit en l'attente. Parquoy moins accomptoit et ac-
(44621 CHRONIQUE DES DUCS DE BOURGOGNE.—II° PART
compteroit de s’en deffaire , et de les souffrir légièrement couler , disant : qu’encore ne luy en porroit demourer si peu que ce ne fust trop, et plus qu'à son valoir. Laquelle chose quand je l'ai vivement pourgetée, ce me sembleune mesme chose, et la propre pareille aventure qui avoitesté par devant en la maison de France entre le roy Charles et son fils Loys; lequel Loys , depuis l’eure que premier entra en la maison du duc, y amena ceste malédiction qui jamès ne s’y estoit monstrée par avant; et de sa rumeur contagieuse, qui par toutesterres le sievy, vint contaminer aussi cestui jeusne comte et le faire estre de sa nature; non pas que-leurs natures feussent unes , mès avoient toutes pareilles leurs questions. Car au vray dire, le comte avoit en ly plusieurs haults dons de Dieu et trop plus que l'aultre; car estoit véritable et franc en ses mos, estoit dévot à Dieu etgrand aumosnier, estoit continent et chaste en mariage, soupple aux commandemens de l'Église, non oncques jureur, ni adonné à dame Volupté, estoit sobre, de bouche familière avecques les siens, joyeulx en repaire, et le plus libéral en donner qui se trouvast; ne injuria nully, ne en Îy n’avoit ne tançon ne noise; mès se rien y avoit de maulvais, c’estoit que moult demorast ferme en son oppinion , et mal l'en pooit l'on retraire ; et le tenoit-il de sa mère, la quelle n’estoit point à vaincre. Mèsaultrement toutes aultres condicions nobles de prince ne que cuers porroient soubaidier, certes tout y estoit ; et beaulté de corps et de personne, vaillance et chevalerie non maindre du père, et croy ce vray, et vive amour enversly et filiale cremeur. Mès par la haine que conceue avoit envers les aulcuns, différoit l'amour filliale par indignacion envers Îles aultres ; et disoit-on que infailliblement, se le duc n'eust tenu emprès ly et en si grand estat iceulx, et les eust volu tenir en eslonge de ly, ly sans les grever aultrement se feust tenu emprès son père, l'eust honoré et servi, compleu et cremeu, et inséparablement persévéré avec ly en cuer et en fait. Mès les aultres qui se sentoient indignés du fils mortellement, sans jamès y espérer retour, n’osèrent eslonger le père ne ne volurent, de peur de leur mésavenir. Et par ainsy tousjours l'ungd'eulx, ou
