CHAPITRE XXXVI

Comment le bailly de Haïinault envoya devers son oncle le seigneur de Croy, doutant que l'accord du père , et du fils ne peust tourner au préjudice de lui.

Le bailly de Hainault qui.se perceut de cestuy entremettre, et comment le seneschal estoit venu là pour faire l'accord du père et du fils, doutant que ce ne peust tourner au préjudice à son oncle, le seigneur de Croy , qui point n'estoit là , férant battant envoya devers luy, ainsi presupposoit-on, à Eulx, où il étoit allé au devant du roy. Lequel seigneur de Croy saichant ce , et pensant à y prévenir , vint à toute haste à Hesdin. Et faignant ignorer tout, et comme se riens n'en fust, se trouvèrent ensemble le seneschal etly, et s'entrefirent grand chiere avecques devises. Aultres dirent que le seneschal meismes en avoit descouvert le secret au dict baïlly, comme premier chambellan ; et ne voloit riens fare sans le sçavoir de son oncle et de 1y, comme

462] à qui le cas touchoit pour une grande part; et partant lui prioit qu'il mandast son oncle et lui fist assavoir ceste nouvelle , affin de le faire venir à Hesdin et de besoigner. Et ainsi le fist le dict bailly, car meismes le dit bailly, le second jour de son venir, le festoia comme premier chambellan; par quoi je tiens mieulx ceste opinion vraie que l'aultre. En effet, le seneschal trouva dificile matère et bien pesante à manier; trouva parties froides, selon l'espoir qu’avoit en premier, et matères mal preparées à son intencion. Par quoy de grand et bon voloir qu'avoit monstré et volu mettre, en adresse de bien, le convint déporter et cesser et s'attendre du surplus à aultruy ; là où messire Philippe Pot complaignoit durement l'obstinacion des parties , les quelles en leur meschief ne véoient goutte, ce disoit, ne d'un costé ne d'aultre ; mès comme gens aveugles, non cuidans estre subgects à mutacion de fortune , par maintenir leur pan roide , estoient contens d'attendre tous perils premier que flechir leur couraige. Les quels mots le dict chevalier, qui sage homme estoit, conférant avec moy, dict oultre : que impossible estoit, court ou long, que mal n’en advenist, et que les obstinés en leur erreur ne fussent cause de griève perdicion de eulx et d’aultruy.

Le seneschal toutesvoies fut mené devant le duc, qui moult joyeusement le receut. Sy l'oyt parler, et le duc lui respondit courtoisement : que son fils, moiennant qu'il fust envers ly tel comme il devoit, il n'avoit mestier de quérir procureur pour venir en sa grâce ne pour venir devers Îy; car oncques n’avoit esté, ce dist, hors de termes que père devoit avoir vers enfant ; mès [y par tant de fois s'estoit mis hors de voie de bon obéissant fils que le trop luy annuyoit ; et puisqu'ils y estoit rembattu arrière, et venu en ce ploy

toujours pis que devant, il l'en puniroit à l'ap-

partenir ; et en porteroit l'amende; et ne se vanteroit jamès que, par procureur ne intercession d'omme il recouvrast sa paix, sans aultrement l'avoir achatée. Si fut tout desbaretté le seneschal;, et nt bien que ;ung baston y avoit en la voie, par quoy son Îabourer estoit vain. Et disoient aulcuns lors couvertément que , si les Croys n'eussent tant entendu en leur propre privé affaire, et eus-

CHRONIQUE DES DUCS DE BOURGOGNE.—II° PART

sent volu fléchir pour le bien du cas, on se feust enfin chevy du duc par une manière ou

par aultre; et eust on tout remis en point,

et grandement par l'intercession de la ducesse de Bourbon , sa sœur, qui en moroit de mérancolie. Et ainsi du bon vouloir du séneschal ne vint comme point de fruit , mès grand voix d'ung hault et bon commenchement à petite et povre issue.