CHAPITRE L

L'auteur s'excuse de parcialité en ses escrits, més veult monstrer la vérité des choses.

Je Franchois doncques de naissance et exalteur de la nacion, poroie estre redargué ici, ce sembleroit , et prouvé contrediseur à moy meismes , parce que je semble déturper par mon descripre, ceulx dont je me vante estre avancheur de leur clarté, et que plus affecté à la loenge de la maison de Bourgoingne, je me forme contraire de celle de France par luy imputer note. O non plaise à Dieu , non plaise aux hommes entendre! car les temps et les mœurs des hommes d'alors, tels comme je les ay conceus , je les ay notés et mis après les perpetuel record , par différence des aultres, æ Dieu plait, cy après qui venront meil-

leurs, et là où les cuers et les diverses nacions tous sous ung sceptre s'entr'ameront et seront unis ensemble, par contraire de ceulx de ce temps, que Dieu doint ainsi! Et ne dis point, ne ne dis oncques, soit bien entendu, que cuers des Bourgoingnons soient meilleurs ne plus amis que Franchois, ne qu'en eulx n'ait de taches malvaises et felles, et des haynes et des envies si bien qu'en aultres; mès une seule chose ai-je maintenue et escripte tousjours : c'est que l'envie et haine prise des Franchois contre ce duc s'est congréée sur ly en faisant bien; et en bien faire et en bien quérant oncques n'a peu estre recongneu. Vez-ci toute la partialité qui me puist estre imputée : c'est que j'ay redargué et increpé les ingras , et le bien fait et la netteté d'un homme remonstré agucment aux descongneus courages. Et ne laisse point à estre bon Franchois pourtant, ains cuide à France faire honneur par maintenir vérité estroite qui fontaine est et doit estre de la vérité du monde pour estre ailleurs dénoncée.

Venant doncques à la matère principale, c'est au délivrement des terres sur Somme, pourquoi le roy estoit venu devers le possessant , le duc, et en quoy avoit des mystères beaucop, pour les ravoir et plus encore eust eu premier que y parvenir, s'il y eust eu union entre le père et le fils, là où le discort fit moienner le rendre. Le duc toutesfois par san souffrir trop approcier du commenchement, s'y estoit tant offert que n'en poit reculer; et par quelque moyen que ce feust, feust forgié de longue main ou en subit, teust pour le bien du duc ou pour son mal, il s’y estoit conclu et estoit mené jusque là qu'il les voloit rendre. Et nonobstant que depuis il se repentit du légier conseil et qu'en la freischeur de son maltalent il eust pris le premier payement pareillement se détermina-il à prendre le second , qui jà estoit à Abbeville. Et ne requist le roy aultre chose, fors qu'il envoiast quérir son argent au dict lieu, et puis après fist la restitution du gaige dont il quéroit le recouvre. Car jamès ne pensoit à y parvenir à temps, pour peur de doutes, ne jamès ne s’en tenoit asseur , de peur des intervalles qui beaucop y poroient entrecheoi par rompture. Si envoia le duc la garde de ses coffres à Abbeville

pour recepvoir cest ‘argent; et y commist deux changeurs de Bruges, congnoisseurs de monnoie, pour le manier. La quelle chose faicte et l'argent receu jusqu'à la somme de quatre cens vingt huit mille sept cents escus d'or du coing du roi nouveau, le duc baiïlla quittance au roy de la dicte somme, et s'en declaira estre et avoir esté content en toute pérpetuité, et qu'au regard de l'obligacion en quoy les dictes terres avoient esté obligées et chargiées, par traité de paix et d'appoinctemens faicts jadis entre le feu le roy Charles et ly, il, de son plein droit et sain voloir, desligeoit et deschargeoit; et les restituoit et remettoit en la possession du roy comme en main proprietaire; et de la somme en quoy et pourquoy estoient obligées et transportées en sa main, comme perpétuel gaige, il en quittoit et tenoit à quites et absous perpétuellement le roy Loys, roy de France pour lors , et tous les aultres roys de France ses successeurs pour le temps avenir, sans jamès y reclamer droit ne aulcun recouvre. Et fut faicte ceste quittance et minutée par commun accort et devis des deux parties, jusques à chacun s0y tenir et estre content de la forme et du contenu. Et par ainsy le duc, de sa main en la main du roy luy fit la rendicion ; et l'accepta le roy à grand joye, présens multitude de barons d'ung côté et d'aultre, princes et grands seigneurs du sang à deux lez. Tant seulement une chose y estoit réservée pour Île duc; c'estoit que joyr debvoit jusques au jour de Noël de ce qui restoit à rechevoir sur les ditesterres , tant qu'elles duroient, pour cause des censes et ventes et débites que ses receveurs avoient pris devers eulx à ce terme. Si en fut le roy content, et l'aggréa volentiers. Mès vint le fort maintenant, à cause des offices ; à quoy le duc avoit pourveu jà par l'espace de trente ans par sa nominacion ; Car craignoient estre deboutés maintenant et mis dehors, parce que le roy y vouldroit commettre de nouveaux, comme en effet fit aulcuns et aulcuns non. Mès peu ou point ne s'en voloit mesler le duc pour faire prière pour ung ne pour aultre. Dont ceulx qui demorèrent en estat, ce fut par le moyen du seigneur de Croy, qui tout pooit lors, et nul aultre riens que 1y, au moins des

marches de Picardie. Le ‘seigneur de Crie- |

vequeur perdit son bailliage d'Amiens , lequel il avoit achatté du seigneur de Moreul huit mille escus. Et y fut mis en ce lieu gratis, et pour nient le seigneur de Lannoy, gouverxeur de Lille en Flandres, jà-soit ce que le duc en murmura ung peu contre le dict de Lannoy , et luy imputa que c’estoit trop tost quis service royal pour laissier la sien; et que trop à aucune couverte fin il quéroit celle entrée. De quoy ledict de Lannoy assez confus, s’excusa au mieulx que pooit, disant : que ce ne estoit ne à son pourchas ne à sa requeste, et que le roy lui avoit ordonné et commis de ly meismes. Toutesfois nonobstant ce, si ne voloit-il prendre, ce dist, le bailliage contre son gré; mès se donnoit merveilles, pouquoy il y prenoit souspechon ne desplaisir de ly plus que d'ung aultre, quand aussi bien il fauldroit que ung aultre l’eust, lequel par aventure lay feroit pluiseurs travaux et rudesses en ses pays de Flandres et d'Artois, qui sont suppos du dict bailliage. Et arguoit lors que mieulx debvoit plaire au duc que ly y fust commis, que ung aultre non à ly, quand |y, de son ordre et de sa maison, ne voldroit jamès faire ne souffrir faire en ses pays chose par quoy il se deust plaindre. Et pour tant, comme sage et bien subtil chevalier, pour celle heure sen rapporta de tout sur ly, en prendre et non prendre. |