CHAPITRE LI
Comment le duc par courroux repprocha au seigneur de Croy l'avancement des siens en toutes choses.
Yray estoit que le duc pour celle heure estoit aulcunement argué à l'encontre du seigneur de Croy, pour cause que voyoit que le roy s'en aidoit et servoit si fort, et que le dit de Croy tant et si avant luy complaisoit tempre et tard, et à toutes heurtes, que ung soir tout mordamment luy dit :« Croy! Croy!
on peut mal servir deulx maistres à gré. Vous pourvoiez toutes vos gens , et les miens demeurent derrière ; qui n'est vostre parent et de vostre amistié , iln’aura riens. » Ceci lui dict pour ce qu'il en avoit conceu , et par Ce aussi que pluiseurs ses serviteurs, qui avoient eu des offices en cestes terres, estoient tous desmis;
et les parens dudict de Croy demoroient en estat ou montoient plus hault encores que n'estoient. Et de faict moy mesmes souvent et assez en oys les murmures entre le peuple.
Donques vez-ci une des causes en partie pour quoy il impliquoit le seigneur de Lannoy de son bailliage ; et en ung aultre endroit il luy sambloit, qu'après avoir receu honneur et grand bien en sa maison, il commençoit tout couvertement à cueillir aultre part vent pour la prendre deceute. Et en effect, comme le dict seigneur mesmes m'en conta les paroles du duc et de ly, le duc y prist de la souspechon , combien que le chevalier n'y avoit point de deserte; mès trop bien tendoit à faire sa main bonne. Si firent tous ceulx de celle secte, sans ce que je leur impute aultre mal. Toutesvoies n'est de celer que pour cestui temps, quand on vit ainsi le seigneur de Croy si avancié devers le roy, et tant en bruit et en hault regne , que c'estoit le tout et le seul devers ly, et ne savoit demander ne convoitier pour Îly ne pour les siens que tout n'obtenist au mot, gens en couvert murmurèrent à tous lez; et prenans en eulx une amiracion du Cas, se contindrent comme tous entrepris du merveille , et disans qu'en cecy ne pooit faute de mystère voir bien grand encore, et le quel donnoit matère de
souppechon. Car n'avoit pas ung an, et vray
estoit, etcomme Toison-d'or , homme créable meismes le dist à aulcuns nobles chevaliers moy présent, que le roy héoit le dict de Croy tant que n’en pooit oyr parler ; et meismes en parlant de y, en dist tous les maulx et toutes les blasphèmes qu'on pooit dire d'homme ; et là où Toison doit avoir esté présent et l'avoit oy. Par quoy, quand le dict Toison-d'or maintenant vit celle hayne muée en si grand amisté et en tele exaltacion, ne se pooit contenir meismes d'en avoir merveilles, et de le dire à ses privés amis, dont j'estois ung. Et combien que les sages s'en teurent , les ungs par peur, les aultres par sens, n’en eurent pas moins d'imaginacion, pourtant bien estrange et qui leur donnoit merancolie.;Mès legières gens et jeusnes qui pareillement véoient et concevoient ce que pooient, en alloient faisans leurs
CHRONIQUE DES DUCS DE BOURGOGNE. —II° PART
à plain de vol; et demonstroient des choses beaucop, dont depuis on vist les expériences toutes clères, et qui ont donné à congnoistre des estranges personnages produis et subtilliés par qui que ce feust , et dont moy mesmes ay veu que de les entendre, s'escapper en pooit; comme cy après aperra selon la production du temps , le quel me sera occasion d'ensievir les choses, teles comme lors le temps le porra rendre.
