CHAPITRE VI

Comment messire Atis de Brimeu respondit au duc.

Très ententivement escoutoient parler cesdicts seigneurs leur maistre , tous esmerveillés de la meure discrécion de luy et de son sens , encoires en cas si pesant qui luy devoit empescher la raison et troubler l'esprit par le boullon du sang nouvel enflambé. Si le regardoient des yeulx, et de cuer le contemploient sans dire mot, loant singulièrement sa haulte vertueuse constance, plus euvre d'ung Pompée viellart que d'ung jeume César , tant fut saige; et s'ammiroient comme povoit naistre en ung si jeusne corps une telle gravité et tollérance , encoires après l'avoir veu freschement si attaint de péril que la mort sy jugoit. Par quoy, quand le virent si revenu en contraire fortune, si estable et

pacient en son deul, et que encoires, emprès .

ung cuer enfelly de ire, il logoit pitié et compassion sur les maulx avenir, certes non seulement les fist ammirer, mais avecques larmes logiés soubs les paupières, secrètement leur perchoient les entrailles du cuer par ses parolles ; et disoicent l'ung par pensée, l'autre entre les dens, le mot que dit la femme à Jéshu-Crist : « Benoit soit le ventre qui te porta et La mammelle qui te alaicta. Avec toi voulons

GEORGE CHASTELLAIN

" vivre et morir; tu es homme de Dieu, enffant