AA19T
de bonne heure ; ne riens avec toi ne nous peut estre dur ne riens mauvais; tu nous enhardis les cuers, tu nous asseures les couraiges, tu nous promets joyeuses fortunes. Va, nous sievrons ; commande et emprens, {u vaincras en ton bon droit, et ton droit nous justifiera en ta pitié. Elle nous conforte, elle nous enseigne victoire et glorieuse yssue. Va, homme: de Dieu , va tost et emprens; en toy aura bon duc et grand valeur en tes sievans. » Telles. et si faictes parolles disoient les aucuns taisamment, non avancés encoires nulluy d'entre eulx de parler, si non messire Atis qui premier l'entreprinst et commença à dire :
« Monseigneur , trop nous est dur, et doit estre, vostre annuy ; et comme de nostre seul prince et seigneur à qui foy et amour nous oblige, nous avons condoléance en vostrefortune et passion pour avec vous en souffrir, et non tant seullement pour deul que nous véons en vous, mais pour le grant meschief meismes qui S’espart sur nous tous par perte généralle , dont nous volons participer et devons en généralle doleur. Car ne siet qu'on vous souffre porter seul, ce qui à cent mil milliers d'autres touche en commun, mais certes se vostre présent annuy, qui est juste, nous va troublant à ung lez, à l’autre nous réconforte comblesse de vertus et de sens que nous appercevons en vostre jeusne éage, tout décoré“ jà et embelly de prudence de vieillart. À Dieu gloire qui nous à pourveus d'ung tel gonphanon, d'ung tel parement entre nous, spectacle futur des princes.
crestiens et miroir des vertus que présentement avez tiré de vostre pis; ce de quoy Dieu et homme et nature et toutes les haultes puissances célestes et, ciel et terre et les firmamens vous doivent louer et soustenir, donner faveur et confort, protection et cou- | verture en toutes vos euvres , en toutes vos entreprinses et en tous vos haulx et durs et. divers affaires , quand , en cas d’humaine ven—. gance , si licite pitié encoires s'entremesle en vous avec fureur, et logiez regard profond et regret maint, là où communement hastive cruaulté . demande lieu. Si n'a nas la noble terre françoise mal exploitié quana, mère d'un tel getton, vous a produit en es-
tre et donné nourriture en son giron, encoires tout au plus hault de son thronne.
N'en à perdu ses haulx dons, ses précieux paremens, ses singuliers béneflices et dignités impartis à vous. Appert bien que bien les à logées, bien conférées et bien employées, et que vous n'estes pas de ses enffans ingrats pluiseurs et descogneus , basters en amour et en honneur boisteux, rendans mal pour bien et vilonnie pour receue gloire. Certes, Lien doit porter aise la sieute de vos grans osts, vos horribles tumultes et chevauchées envers beaucoup d'autres.
Et ly doit pacience estre une espasse en souffrir pour vous, qui montrez avoir perpétuelle amour en vous vers elle. Bien doit estre vostre tribulacion certes la sienne , et en fortune à vous deux une commune amytié. Si croy certes qu'ainsi soit et que les divins et humains jugemens tous s'accordent en cestuy point et l'auctorisent; car s'il le loyst dire, vous aujourd'huy avez satisfait à Dieu et au monde, et avez si noblement parlé que vous ne pourriez que bien faire.
Si louons Dieu de ses bontés et vous des vostres qui ne seront ignorées jamais. »
