CHAPITRE LVIL
Comment voix couroit que le duc, par l’indignacion prise à l'encontre de son fils, donroit pièce icy pièce là.
Et combien toutesvoies que le duc n’avoit point voulenté legière de se deffaire de riens, et qu'assez congnoissoit le roy quel il estoit et de quel contendre, ne cessa point le murmure pourtant entre ses gens, et qu'on ne craisnist qu'enfin ne se lessast manier à son grand dommage. Car couroit voix toute commune : que par a yr (1) à l'encontre de son fils, il donroit pièce icy pièce là, et que leroy, s'il pooit, en auroit sa part. Et de fait, aulcuns qui aimoient le comte et qui en avoient douleur en cuer, voyans les apparences et Îles suspicions qu'on y mettoit, le mandoient au comte et lut- sisnifioient : que s'il ne pourvéoit en son cas ef trouvast voie de contenter son père il s’en trouveroit amendry en succession; car doutoit-on que le père en son despit ne fist folle largesse, sans accompter à propre dommage. Sur quoy le fils respondit honnorablemént disant : « Mercy à ceulx qui ce me procurent! je ne l’ay point desservi vers eulx, et moins encore envers monseigneur mon père , le quel peut faire son plaisir du sien et de moy. S il mefait poyre, tousjours sera-il mon père; et se sagrace me demeure, ne puis faillir à estre riche. Mès tant dis-je bien, que, pour mengier terrecomme ung ver, se n’ai-je desservi encore par quoy il me deust deshériter. J'espoir de non jamès commettre lecas par quoy ilen peust
(4) Colère, de ira
avoir cause.» Et certes, ne fussent les aventures et les fais du monde qui sont instables, et que tous regnes soubs manace de fortune pendentsouvent en peril par aulcun si, ce comte icy estoit ung jeusne très sage homme, prince de vertu et de justice , et qui aussy bien voloit mettre la raison en ly meismes qu’en aultruy; mès avoit cest inconvénient, que aulcuns, par lesquels principalement se conduisoit, estoient mal à la touche de son père, et pour dire le vray, mal utiles aussi pour |y, et moins honorables pour tel prince , selon tel qu'il estoit. Et n’y avoit aultre cause de rumeur entre son père et luy, que ceste, et les effects et opéracions qui de eulxet à leur cause de ceci sourdirent. Toutesvoies, pour venir à mon pre mier conte touchant les murmures et les peurs des hommes, qu'on avoit que le duc ne se deust souffrir enlourdir de language, en donnant legièrement le sien, oncques certes courroux ne le mena à ce voloir , ne oncques beaux language que le roy ne aultre sceust mettre avant ne luy donna pensement de faire celle folie. Meismes congnoissoit bien et entendoit ce qu'on quéroit, et souffroit bien, que gens se paissassent de fol espoir, et que aulcuns s'en donnassent peur. Mès qu’en effect il se grevast soy mesmes pour desplaire à aultrui , ce ne luy cheut oncques en cuer; car n'eust donné roie de terre au roy quis'y attendoit, non plus que les doigts de sa main, dont chacun lui besognoit bien.
