CHAPITRE LVL

Comment 1e roy, après qu'il avoit rachatées les terres dessus dictes, tendoit encore à plus haulte fin.

roy tous-jours pendant ce temps faisoit grand chière, et complaisoit à son bel oncle, là où il pooit, en paroles, comme il sçavoit bien faire. jà soit 1l que le duc ne le requist de riens; inès ly de ly meismes le fitainsy parung contentement dout Île tendoit à pestre ; car béoit encore le roy à plus avant et à plus haulte fin, comme de ravoir la comté de Bouloingne en sa main , le plus chier quasi et le plus précieulx anglet de France, pour les vaillans corps . qui y naissent, nobles hommes et archiers.

‘ Et sembloit au roy que facilement y pervenroit, pour ce que le duc estoit tout indigné ” contre son fils, et que par ainsi, par ung despist contre 1y, il donroït lesièrement ce qu'on luy demanderoit. Car meismes sçavoit bien, et l'entendoit clèrement, que se ce n’eust esté l'indignacion prise à l'encontre de son fils, à qui il plaingnoit pour lors sa haulte future succession, jamès ne feust parvenu au rachat des terres de Somme si mollement nj à si peu de bargaing ; car père et fils eussent mis des debats avant bien grands et raisonnables, premier que les rendre. Et comme la vertu dela paix contenoit et contient que tout feust paraccompli d'un costé et d’aultre , par ung et entier contract de pro-

GEORGE CHASTELLAIN

messe et de serment que ly Île roy meismes, à Saint Thierry, présens ses princes et barons, repromit et reconferma en parole de roy de tenir entier et estable et de l'accomplir. Et ce fit-il par cautele, et à cause qu'il desiroit que le duc le refeist aultre tel, et qu'en après le comte, qui estoit son hoir et lequel le roy craignoit que ce ne feust une fiere teste à avoir affaires avecques ly en temps advenir , feist la promesse maintenant comme son père.

Dont , par l'obligation qui maintenant s'estoit renouvellée par le duc, et faite toute de nouvel par le comte sur les condicions y mises, ne diflicultoit point de ravoir ses terres quand voudroit. Et du remanant qui estoit, oultre l'argent qu'on en devroit rendre, il traiteroit, ce pensoit, au mieulx qu'il polroit, comme desia a montré et obtenu par l'inconvénient qu'il a trouvé entre le père et le fils, là où, par rendre etoffrir seulement l'argent, toutes aultres condicions et poins mises darrière, il est venu à ses fins, et n’a en riens esté constraint de paraccomplir ce par quoy non fait, on pooit justement restiver à sa demande. C'estoient les amendes honorables et les diverses fondacions qui se debvoient faire ; lesquelles on à lessié couler maintenant par discorde entrevenue ; et n’en a chaillu au duc den faire grand poix, pour tant plus complaire au roy. Lequel joyeusement l'a pris en gré, et en a levé ce qu'il quéroit à très bon compte. Et par ainsi, comme j'ay dit, qu'encore atout ceci il béoit plus avant , c'estoit à la comté de Bouloingne , certes out ainsi avoit il espoir de y povoir advenir, et que le duc n'en feroit point de pois, par ceste discorde. Dont , pour attempter le cas envoia le seigneur de la Tour, cely quise nomma comte de Bouloingne d'eritage, devers le duc. Et vint icelluy seigneur de la Tour remonstrer au duc : comment que jà feust-il ainsy que le roy Charles luy avoit transporté la comté de Bouloingne à la vie de ly et de son fils, par le traitié de la paix , toutesfois estoit-ce son propre heritage et appertenir; et en ce le roy luy avoit fait tort, et transporté en aultruy main, pour son privé bien; ce que faire ne povoit, car n’y avoit riens. Et pourtant prya cestuy seigneur de la Tour humblement au duc, qu'en ceci voulsist avoir regard, et que par conscience

de ly et de son noble corage il peust revenir au sien et à la restitucion de ses terres. Si entendit bien le duc que c'estoit ung personnage forgié, et qu'on venoit querir eau de loing puits, et respondit disant : « Seigneur de la Tour, je ne vouldroie riens de l'aultrui ; ne ne me fait, grace à Dieu! besoing la comté de Bouloinge, que je tiens de tout temps. Je l'ai debattue à y avoir le droit et la vraye succession. Dont après, quand c'est venu à la paix faire entre le roy desfunt et moy, pour non moy eslongier de mon droit en cecy , ne vous du vostre, ceste comté m'a esté baillée et laissée par provision , le vivant de mon fils et de moy. Et vous doit et devoit le roy mort pourveoir jusques à ce, par manière de recompense. Je m'attiens à ce qu'en avez fait, et que le roy en a fait aussy; et me tiens à ce qui m'a esté donné par contract de perpétuelle paix, que je ne vouldroie enfraindre, ne souffrir aussi. Et pour tant, me semble que n'avez cause de me demander ceste comté; car, quand droit y ariez, si n'en est point l'heure venue qui vous y vaille. » Le seigneur de la Tour repliqua, doulcement toujours, comme qui sçavoit bien que le hault parler n'estoit point pour ly. Et eust bien volu trouver le duc plus souple et plus mol en bouce ; mès voyoit bien qu'il y perdoit temps. Dont pour celle première fois s’en tint à tant et ne l'en pressa plus; mès depuis en fit renouveller sa cause par le roy, qui arrière trouva le duc froid en responce et n'y pourfita riens. Et à la tierche fois que cely de la Tour vit soy

perdre temps, et que riens n'obtenroit de sa prière, requist enfin au duc qu'il luy pleust le faire pourveoir d'autant comme le traictié de la paix portoit, jusques au terme ordonné, et que moyennant ce il ne le presseroit jamès, ne son fils aveucques, jusques au dit terme venu. Sirespondit le duc : qu'à 1y n'estoit point à faire de le pourveoir, ne d’en faire la poursieute ; mès estoit à faire au roy qui en avoit prise la charge devers ly ; mès volentiers luy aideroit en ce qu'il porroit, et là où le cas s’y offriroit. C’estoit tout ce que pooit avoir duduc, lequel pour celle heure dist à aulcun de ses privés. «On tournoie beaucoup autour de moy, et me quiert-on de loing pour avoir la comté de Bouloingne ; mès ce sera la dernière place

CHRONIQUE DES DUCS DE BOURGOGNE.— II: PART

de terre que j'aye au monde, dont jamès je me pense desfaire. Ils ont beau tendre sur moy ceulx qui me quièrent, mès ils ne me trouveront jamès là où ils contendent. »

Dont en après, quand le roy oyt et perceut que le seigneur de la Tour tendoit à la récompense, et avoit peur que le duc n'en feist le pourchas pour ly, fut content que de tous poins on se teust de ceste comté de Bouloingne, tant

pour ung que pour aultre , et que plus n’en

feust mémoire , de peur que la recompense n'en deust arriver à sa charge.