CHAPITRE LIX
Comment le roy se contenta mal du comte de Charolois et du duc breton , et la cause pourquoi.
Pour celle heure, et jà avoit eu bonne pièce devant , le roy estoit très mal content du comte de Charolois et ae l'amoit point, pour ce que le dit comte, comme il avoit entendu , avoit fait alliance avec le duc de Bretaigne ; lequel duc de Bretaigne le roy avoit cueilli en haine aussi, pource qu'il ne voloit point souffrir traveiller ses subgets en sa ducié ; car le roy tendoit à y prendre et lever feuages sar tout le pays, ce qui oncques n'avoit esté veu ne souffert.
Et sont ces feuages tailles mises sur chascune maison , une maison pour ung feu , que les ducs et princes du pays ont d’ancienne coustume appris de prendre pour eulx, qui monte à la droite moitié de son avoir. Par quoy ;se le roy voloit avoir ces feuages pour 1y, il en eust esté durement grevé, ce luy sambloit ; et se le roy les prenoit tant à tant avecques 1, et que cela lui souffrit, ce eust esté à grand foule de ses subgects et de son peuple, et dont la honte luy feust demourée perpétuelle. Si delibéra et conclut en ly, comme prince de hault corage, que pour son derrain homme ne le souffriroit , ni ne seroit cause que Bretons feussent ainsi submis par haulteur en contraire de leurs pères et de leur ancienne longuement conservée francise. Et de fait refusa tout au roy, et luy signifia très bien : que s’il voloit lever feuages en son pays, ce que oncques ses pères n’avoient souffert, il les venroit quérir donc à la pointe de l'espée, s'il les voloit avoir; car aultrement jamès n'en venroit à chief.
Par quoy doncques quand le roysentit ce jeusne duc de Bretagne si fier et de tel corage et qu'encore le comte de Charolois, fier et corageux d'aultre lez, s’estoit allié avecques ly par une amistié indivisible, durement mal print en gré. Car voyant les deux plus forts de son royaulme tirer à une corde, et tous
deux jeusnes et verds, avecques puissance, perdit l'espoir où il béoit, c'estoit : si le duc son bel oncle povoit aller de vie à trespas, Iy seul alors seroit le dompteur et le porte-fouet de tous les grands de son royaulme ; et n'y auroit nul qui osast mot dire.Et maintenoient pluiseurs pour ce temps d'alors , et aussi assez en avoit d'apparences et d'appreuves, que non obstant-tout bel language dont ce roy Loys usoit envers son bel oncle , et que receu avoit de ly tout l'onneur, toute l'amour, toute léaulté et tout humble service du monde, si sembloit il que sa mort luy tardast, pour cause de son hault regner , et que devantet sur tous vivans hommes il craignoit sa puissance et sa victoire, son grand eur et son hault corrage. Et par ainsi doncques, quand de rechef et tout de nouvel vit ce point redoublé par le compact de ces jeusnes verdes testes moult luy en desplut. Et informé contre messire Jacques de Saint-Pol, frère au comte de Saint-Pol, que iceluy devoit avoir practiqué ceste alliance, le menassa de mort, et jura que, en quelconque lieu de son povoir y paroit mettre main dessus, jamës ne feroit alliance d'homme et le feroit noyer. Et de fait, le bon gentil chevalier, lung des plus recommandables de son temps, en fut adverti du duc meismes, et s'en ünt sur sa garde , hors de ses mains , quoique assez toutesvoies s'excusa du fait, disant :
quele comte avoit bien aultres gens plus dignes de ce faire que ly ; et qu'à ly ne se fust point attendu d'ung si grand cas. Doncques vez-ci la cause du maltalent du roy encontre le comte son beau-frère , et par quoi il eust bien volu aussi que le duc son père luy eust donné à souffrir , et fait aulcune chose en son grand dommage; car par ainsise verroit vengié sans y main mettre ; ou à l'aventure, quand ce venroit à paix faire entre les deux, il en desiroit le manier et d'en avoir l'honneur, pour venir à ses fins par ce en aultre manière; c'estoit pour luy faire revoquer et quiter l’allance de Bretagne qui lui cuisoit.
