CHAPITRE Lx
Comment le roy durement accueillit en havne le comte de Sanict-Pol avecques .es deux dessus dicts.
De ceste alhance entre les deux ‘'eusnes
GEORGE CHASTELLAIN.
princes estoit noté aussi le comte de Saint- Pol , lequel pour celle heure avoit en mains le comte de Charolois , et estoit le tout et Île souverain emprès ly; par quoy la souppechon y estoit tant plus juste. Si le cueïlli durement en haine le roy, avecques ce que par avant l'amoit peu, car lyimputa crime de leze-majesté commis contre ly, de quoy les propreslettres escrites de sa main, ce disoit, et vive voix d'homme portoient preuve ; c’estoit : que promis avoit au roy desfunct, en soy vantant, que s'il voloit avoir son fils le dauphin devers y, et hors des mains du duc de Bourgoingne, il le luy livreroit par les cheveulx et par les tresses en sa main ,. qui que le voulsist def-
fendre. Dont maintenant, le roy voyant et sachant qu'à cause de cely de Charolois , lequel il desvoioit ainsi et le mettoit en cest erreur, le duc aussi ne luy voloit gaires de bien, il est assavoir le roy descouvrit au duc le maltalent qu'il avoit au comte de Saint-Pol , en disant : qu'il lui feroit bien sa sauce ; et qu'il lui feroit telle peur que grand sens luy seroit mieulx mestier que force. « Et vous vengeray, beaux oncle, de son long vieil orgueil contre vous, et de la conduite qu'il donne contre vous à beau-frère. J'ai lettres de ly, et vive voix, qui preuvent sa conspiracion contre moy et en ma personne, et dont justice me vengera à l'aide de Dieu, non pas ma main ne mon courroux. »
Si en advint ainsi en peu de temps après ; car le roy le fit adjourner à comparoir devant ly, où qu'il fust, dedens le dix neuviesme de novembre, sur peine de confiscacion de corps et de biens , ou d’estre banni du royaulme.
Cest ajournement se fit à Saint-Pol, comme en sa maison souveraine, non obstant qu'on savoit bien que ledit comte n'y estoit point ; car estoit en Hollande avecques le comte de Charolois. Dont sitost que l'ajournement fust fait, prestement luy fut annoncié, qui assez s’en trouva esbahi; et non sans cause, car se trouva en male grace du roy, et en tel dangier que la vie y alloit, l’onneur et la chevance. Se trouva aussi en male grace de son prince et de long temps ; mès de ce ly mesmes estoit cause. Et puis se vit traversé et non bien volu du seigneur Croy, qui les deux princes , le roy et le duc, menoit en main et estoit le tout en tout, Et par ainsi n'a-
(14627 CHRONIQUE DES DUCS DE BOURGOGNE.—II° PART
voit attente nulle ne refuge que sur le comte de Charolois, qui devers le roy et devers père aussi estoit traversé meismes, et n'y avoit po— voir ne riens. Si sembla lors audit de Saint- Pol que toute ceste haine contre ly et les durs termes tenus, lui venoient à cause du comte de Charolois, pour ce qu'il se tenoit aveuc-
quesluy, en grand ennuy et deplaisir de ceux
de Croy , mal volus du comte. Si s'en devisa aveucques 1y, complaignant que ceuix de Croy boutoient à sa charrette terriblement fort, et que le duc aussi s'y consentoit de legière et endissimuloit, pour ce que le roy pristmeismes la querelle et l’action. Et disoient plusieurs alors que la chose estoit assez vraisemblable : que la hayne prise contre ly de tous costés luy estoit grand avancement de ce dangier ; car se l'ung des trois luy eust volu bien , de tout cecy n'eust esté riens, ce sambloit, et vray fut. Doncques en soy dolant au comte de cecy, qui fortement l'annuioit, tant plus se aigrissoit contre ceulx de Croy , auxquels il en donna la charge que ceils feissent en son despit, comme aultres assez de fois avoient fait, ce disoit, et de longtemps Si respondit à cely de Saint-Pol , disant : « Beau cousin, à tel arbre que vous pendrez et moy aussi, à telle coupe que vous buverez et moy en meismes.
C'est pour vous chasser en arrière de moy qu'on fait ce personnage. Mès qui ne me chassera hors du monde, on ne vous chassera point hors de ma maison. Il faut souffrir et endurer selon le temps. Mès les temps ne demourent point estables toujours sur ung point ne sur une fortune. Se ceulx de Croy vous eussent volu aidier autant comme grever, de cecy ne feust riens. Au fort ilen prend bien à moy. Par avant je n'avoie point de compaignon en adversité, et maintenant j'en ai ung au moins. Je vous reconforteray maintenant et vous moy ; car grand solas est au chetif avoir compaignon en sa misère. Toutesvoies il fault prevenir et trouver moyen de vuidier hors de ce dangier sans présenter le corps. Aidiez vous , et moy quand je pourray je vous aideray, se le lieu se offre. » Ge furent les devises des deux comtes, dont la continuation de l'etfect se dira après, par ordre des matères qui y sont entre deux.
