CHAPITRE LXXIX
} Cemment les estas et nobles du pays vindrent en An: vers, adjournés de par le comte de Charolois.
Dr estoit venu le troisième de janvier; et le comte de Charolois, pour estre à sa journée, estoit venu en Anvers ; et pareillement multitude des notables et des bonnes villes et des estas des divers pays, pour obéir au dict comte. Si convindrent tous eulx ensemble en l'abaye de Saint-Michiel; et là venus firent Ja révérence au jeusne prince qui les merchia de leur venue; et par la bouce de maistre Gérard Voyri docteur en lois, leur fit dire la cause pourquoi les avoit requis de venir versdy. Et commenchant au duc son père, fit remonstrer le maltalent qu'il avoit envers ly, tout indigné, et ne sçavoit pourquoi, si
non que ce il fist en faveur du seigneur de
Croy et des siens, qui le héoint et le brouilloient envers ly par désespérable manière, et dont le dommage et foulle qu'il y attendoit luy estoient irréparables et intolérables.
+ © mn
Et en confirmacion de cecy, se dolut à eulx : comment voix couroit par toutes terres que le duc son père en ordonnant de son voyage, que faire debvoit en Turquie, devoit lessier les pays et seignories de dechà la mer en ja main du roy et en la gouvernance du seigneur de Cimay dessoubs 1y, et les pays de Hollande et Zellande en la main du roy Eduard d'Angleterre. Et par ceste voie, luy qui estoit son seul unicque fils et son vray heritier, demorroit par dechà, tout despourveu et estrange de ses pays et subgects de son père, comme ung bastard. Et cecy imputoit-il au seigneur de Croy et aux siens, qui oncques ne cessèrent à luy pourchasser dommage et meschief et porter pointe contre ly, tout en despit, comme pareil à pareil. Si s’en doleit à Dieu et aux hommes, quand fortune leur souffroit porter tel orgueil contre Îy, et encore à leur grand tert et honte , qui estoïent fais et eslevés en la maison du père dent ils : contendoient en la ruyne du fils. Et fit dire plusieurs choses touchant ceste doléance de ceux de Croy, et de quoy aultrelois a este faicte narracion par divers articles; et les quels. s* véritables estoient, tournoient à grand charge du dict de Croy ; et se non véritables, ce lui debvoit bien estre granddouleur en cuer de les tolérer sans cause. Mès ne fait-à croire que ung tel prince , qui portoit grace de vérité autant que nul de son teinps, eust jamès volu ne osé mettre avant en publicque si grandes charges comme cestes sur nul chevalier, tant feust grand ne povre, sans en avoir eu plaine et souffisante informacion de la vérité , et toute enquise et attainte, combien qu'en tant qu’il en est venu devant moy je le remets tout à Dieu , et m’en tais au plus courtoisement que je puis, jusques à plus en apprendre.
