CHAPITRE LXXVIII

Comment Liégeois s'amodérèrent ung peu en leur orgueil , mès retournèfent de nouvelle en leur furieuseté.

De ces mots s’espoentèrent durement Liégeois , et prindrent retraicte. Et voyans que c'estoit acertes et de sens conclu ce que le duc leur avoit dict, commencèrent de là en avant à

peser leur meschief et à eulx amodérer en leur orgueil ; et tellement que ledict leur évesque temprement après se transporta en Liége, y fust receu et recongneu paisible seigneur , et y demora une espace, jusques environ vingt jours après, que Liégeois commenchèrent arrière de nouvel pour aulcuns points, le chassérent dehors furieusement en péril de son

CHRONIQUE DES DUCS DE BOURGOGNE. —II: PART

corps , et tendans à mettre fin en l’estrif par

puissance , se mirent ès champs, à bannières desployées, cinquante en nombre, firent une course en ung coing du Brabant à cause d'ung pré que disoient appartenir et disoient estre de la terre de Liége, et Brabenchons le contraire. Si fust ceste course celée au duc par aulcun temps; et laboroit son conseil d'estaindre la chose par sens et par y envoier vers eulx, afin que plus grand mal n'en advenist. Mès enfin convint que le duc le sceut , car ne se voloient Liégeois mettre à raison. Et non obstant que le duc le porta à dur, toutesvoies encore en dissmula-il pour celle fois pour ung meilleur , car n’avoit regard qu’à son sainct voyage, et de cely fuioit toutes romptures et empesehemens.