CHAPITRE LXXXI

Comment les estas se paroffrirent au [comte de faire tous debvoirs envers son père à ce qu'il le recueillist en grâce.

De ceste doléance du comte et des mamières de son parler prindrent pitié les convenus devant ly; et perplex en la matère, pour ce qu'elle touchoit père et fils dont l'amour leur estoit égale envers tous les deux, furent entrepris à y respondre à point. Et craignoîent le trop adhérer au fils pour la male grâce du père, et de trop tenir faveur envers le pére en poyre contentement du fils. Firent dire toutesvoies par une commune bouce : que moult leur grevoit et desplaisoit le différend qui estoit entre son père et 1y, et que se la faculté estoit en eulx de y pooir remédier par prières et par toutes paines et poursuites possibles à homme, ils y voldruient labourer , comme raison le donnoit ; car en eulx en tournoit le meschef, et le dangier par y continuer longuement; et en lenr amour et concorde ensemble pendoient leur sa-

doient de bien et de joye en ce monde. Si leur séoit bien, ce disoient, de volentiers mettre peine à ce que cestes difficultés feussent vuydées entre son père et ly, et que le père le recueillist en grace et en dilection paternelle , comme son seul enfant, par abjec- * tion de son ire. Mès comme ils sentoient le père noble et tout benigne de corage, plain de vertu et de haults sens, et pareillement le fils plein des graces de ce monde et de hauite recommandation, ne se pooient deflier, ce disoient, que, par la grace de Dieu, tout ne venist à bien et à bon rappaisement, et que nature et noble vertu ne les rejoignist ensemble par amour deue ; en quoy, pour autant qu'en eulx en porroit estre possible de y solliciter ne parer, ils se paroffroient et s'y obligeoient de léal voloir. Et au regard de prendre aultre, ne homme estrange gouverneur , sur ce ne devoit avoir doubte; car,

comme bien sçavoient et fermement créoient

que le père ne le daigneroit faire et qu'en-

ils condescendre ne eulx y consentir, pour morir en la defense. Si fut le comte tant aise de ceste response que plus ne pot. Et luy sambloit bien que la faveur qu'il trouva au peuple de son père, par tous pays et par toutes villes luy estoit fondement assez pour édifier dessus, et pour non estre foulé en, temps avenir de ses ennemis conspirateurs contre ly, à desloyale cause. Si Les remercya de leur bonne responce, et requist de continuacion tousjours en mieulx.