CHAPITRE LXXXII
Comment les estats et les députés des divers pays partirent d'Anvers et tirèrent envers Bruges.
Atant partirent d'Anvers les deputés des divers pays du duc. et tirèrent envers Bruges à où estoit la journée du duc, le neuviesme jour, et le comte s’en alla à Gand, pour apprechier son père, à intencion de se mettre à bon devoir envers 1y, mès que ouy peust estre et receu aassi en raison. Car se doloit grandement de ceulx de Croy; et avoit bien cause dele faire, ce disoit, plus encore,
que n’avoit monstré. Et pour tant que iceulx les dessus dicts seroient emprès ly, jamès n'y mettroit le pié; car le hébient de maulvaise mort, de haine voluntaire, et ne taschoient qu’à le deshériter et à le grever de corps, par sorceries et malvais ars, tant en sa personne, ce disoit, comme en sa femme la comtesse, afin qu'elle ne portast généracion. Et mesme l'avoit dict ainsi et donné à congnoistre aux estas en Anvers. Dont pour ce qu'il les héoit pour tels enormes cas et mésus contrely, et qu'il ne les voloit prendre en sa grace, eulx, pour maintenir leur orgueil, s’estoient ajoints et fortifié du roy, qui aultre-tel comme eulx et à leur incitacion le héoït de mort, et ne quéroit ne ne béoit qu’à ce que la maison de Bourgoingne feust mise à ruyne et à bas; de quoy cestesgens icy , pour eulx faire grans et forts, seroientl'instrument du roy, par lequel ilvenroit au desseure de son contendre. Et mesmes y avoit jà grand commenchement; car, par leur moyen et conseil à deux lez, les terres sur Somme avoient estérachattées et restituées, et une grand part de noblesse de Picardie tirée hors de la main de son père; dont le cuer luy cuisoit amèrement, et tant plus encore comme il voyoit ceste machinacion estre procédée de ceux qui estoient subgects et les plus prochains de son père, et les quels de source et de venue n'estoient que genulshommes comme aultres, eslevés [par fortune emprès le duc. Dont le hault degré où s'estoient' mis, les faisoit descongnoistre, et rompre et habandonner honneur et léaulté, non chaloir de honte, ne de maléfice, ne de prise norriture , ne de religion , ne d'ordre, ne de quoy le monde leur pooit donner malédiction et perpétuel blasme; mès obstinés et conclus en voloir porter leur pan par le moien du roy contre ly persevéramment , en leur fierté et orgueil , esperoïent poor vaincre et eulx saulver contre sa main, et meismes luy faire empeschement en temps avenir, se le père failloit, d'une partie de ses pays, par les places qu'ils avoient en leurs mains, et les quels entendoient à mettre en la main du roy contre Ly, et lesavoient promises; car disoit, et meismes je l'ay oy, que le roy s'en estoit vanté ; la quelle chose se ainsi estoit, et comme le comte en estoit adverti au vray, ce lui
CHRONIQUE DES DUCS DE BOURGOGNE. — II PART
devoit bien estre matère de doléance et de grand annuy, et d'avoir bien contre cuer cestes gens brasseurs de si malvaise euvre ; et de quoy Dieu, quand les hommes le vouldroient ou le pourroient porter par vertu, y, par divine justice, en puniroit tard ou tost l'orgueil et l’offense, quand, sur tout péchié aultre, comme grand qu'il peust estre, Dieu het et abhomine l'homme ingrat, le descongnoissant du bénéfice receu, et le persécuteur de son prince et seigneur, rendant mal pour bien. Et par ainsi, comme cestes doléances et amertumes se logeoient et hosteloient au cuer de ce noble prince ainsi mené, ne sambleroit merveilles se point ne se voloit trouver emprès son père tant quils y seroient, quand meismes il en sentoit son père deceu et abusé et en voye de perdicion toute clère ; combien que le père ne le voloit, ne ne le pooit croire, tant l’avoient endormi ; mès nonobstant ce, les petis enfans à peine s'en percevoient, et tout le monde, grans et menus, en parloient et murmuroient contre eulx; mès c'estoit à crainte et à couverte , pour leur auctorité.
