CHAPITRE IX
D'une ambassade envoyée par le nouveau duc au roi d'Angleterre à Rouen , et de la response dudict roi.
Grands estoient les affaires et pesans de ce nouveau duc, et demandoient à tous lez hastive provision. Dont pour venir premièrement aux ” trèves des Anglois , il drescha une noble compaisnye de chevaliers et de prélats, et les tramist ses ambassadeurs vers le roy d'Angleterre à Rouen, instruicts sur pluiseurs points , tant sur le fait des trèves comme autrement ; et furent cesdicts ambassadeurs, l’évesque d'Arras premier, Le seigneur de Thou-
longeon , messire Guillaume de Champdivers,
messire Guillebert de Lannoy et autres pluiseurs gens de bonne auctorité et bien recommandés. Partirent d'Arras à peu de séjour; vindrent à Rouen où estoit ledit roy, en fier contenement, pour cause de sa nouvelle conqueste en Normandie , et souverainement de la ville de Rouen. Venus doncques ainsi devers luy, feirent les recommandacions de leur maistre en mode appartenant ; et déclairans leur charge et la cause de leur venue , luy donnoient à congnoistre assez le desir qu'il avoit d'estre son alyé , voire au moins en semblant ; car plus y avoit de fainte que de plaisir et plus constrainte que amour. Le roy les cscoutoit très ententivement, et sans leur rompre propos les parsouffroit raisonner jusques au bout. Dont quand il vit le cas, encoires non légier ne hastif, leur donna lieu de re-
couvrer l'oublye , s'il y fust, mais nennyl.
Lors gravement et bien en manière d'ung fier roy, sans bougier de son lieu , ne autre aussi, tant fust grand , pourveu de responce en son saing non par emprunt d'ailleurs, commença à dire ainsy :
« Beaulx seigneurs , il me desplaist moult de la mort de beau cousin le duc Jehan ‘de Bourgoingsne et de la fausse et desléalle manière d'icelle, qui est la plus doloreuse qu'oncques mais oysse et la plus mauvaise à parer. Si n'est pas merveille , si beau cousin, vostre maistre présent, contend à Ja vengance du père; ains y fait à louer moult et le doibt. Mais se ledit vostre maistre est tel d'aventure comme son feu père, qui m'a mené , par longue traitte de temps, la teste au vent en perte de ma saison, et lui cuyde ainsi faire, certes vous estes moins bien adreschié à mov, car, à l’ayde de Dieu, j'entens désormais, sans plus bailler escout à nullui, procéder en ma conqueste et entreprinse sur ce royaulme mon héritage, dont j'ay trop longuement différé. Si que, se beau cousin, vostre maistre, veut besoingner , s’en délivre et envoye vers moi ses gens, instruis et puissans de tout et sur tout, tout prestement et sans délay: car mon intencion n’est pas de plus rien m'attendre à luy. Etaflin que plus avant sachiez du fait, vecy jà les gens du daulphin, vos
ES
adversaires, qui attendent à Pontoise ma responce , el pressurent afiance avec moy contre vous. Brief, j'en prendray l’une trèstost, et la bouteravy oultre, à cui qu’elle cuise. J'en suis pressé. Avisez-vous. Et, se vous n'avez puissance qui souflise, retournez hastivement là où vous devez, et revenez en faculté de besoingner et de final exploit, ou vous vous trouverez deceus bien brief par la forme que je vous dis. »
