CHAPITRE VIII
Cemmezt .e jeune héritier commença à porter le titre de duc à Lille et d’une députation de ceux de Paris.
Au chief d’aucuns jours après, cejeusne duc, vuydant sa maison, s’en alla à Sainct Jehan, la maistresse église de la ville; et là, à la coustume et usaige de ses prédécesseurs comtes du pais , accompaigné de, moult grand chevalerie et de grand nombre de notables, print le possès et héritement du pays , comme
vray héritier et seul hoir. Et promesses et sermens fais de la part des subgects comme droit le volu, luy de la sienne se mist en devoir vers eulx tout avant, pour conservation d'eulx eêt de leurs privilèges, avec asseurement de leur estre bon et bénigre protecteur et prince. Si fu lb joye grand par lyens et la tumulte des voix crians : Noël, d'ung merveilleux et hault estonnement. L'assemblée se dessévra, et se retrahy chascun en son lieu.
Dont, bientost après, cestuy nouveau
comte, pour entamer ses affaires à ung bout,
alla en sa ville de Malines, en laquelle convindrent devers luy son germain le duc Jehan de Brabant, Jehan duc en Bavière son oncle, et la comtesse de Haynnau sa tante ; ettindrent parlement ensemble par aucuns jours sur leurs affaires et sur le plus expédient à leur honneur , tous unis et adjoincts en ung meisme vouloir et en un; meisme desir de poursievir la vengance à l'extresme risuer de mort et de cruauté , comme ils feirent, et si expesèrent ce peu que ils vivoicnt. Non gaires de là, vint droit à Lille et y tintsa résidence par aucun temps, pour ce que proche estoit ès marches françoises et à plusieurs autres pays frontiers ; et print là les premières lettres des ultres de son père et le nom de duc. Afluites vindrent de toutes pars tous les jours vers luy de plusieurs grands gens et seigneurs, qui servi avoient le père, et luy vindrent offrir service et cremeur, comme au deffunct, envers tous et encontre tous, et de y persévérer en léal et estable voulon: à jamais; qui bénignement fut reçeu et prins en bon gré comme on devoit ; et en fut retenue une part, et l'autre non habandonnée, enrichie de beaux dons et de promesses. Ceulx de Paris, aussi, desbaretés en la cruelle et fraudulente mort de leur très chier seigneur le duc Jehan, vindrent à refuge droit cy aussi; et après longues condoléances du meschief qui leur touchoit au cuer, se vindrent conseiller à luy de son plaisir et de ses affaires. Car estoient ceulx du monde, qui en fortunes contraires attendoient les premiers estours, et ès prospères de son feu père s’estoient portés les plus à luy ; à la quelle cause avoicnt eu moult à souffrir dedens leur cité, et estoyent hays durement de l'autre partie , les daulphinois. Si luy remonstrèrent maintenant estre expédient, voire nécessaire, d'avoir advis avec luy sur toutes choses, car véoient guerres et tribulacions sourdre en ce royaulme plus que jamais, et à tous lez apparoir menasses et espo: ventemens au peuple et aux cités, par la force des parties dont chascun contendroit et contendoit ores à en descirer sa pièce. Dont eulx se sentoient au milieu du dangier et estre le gouflle et le droit rassamblement de la tempeste, se ne fust sa bonne bénigne protection, en la quelle ils se confioien: et
espéroient salut. Si fust de ces députés parisiens, le premier président en parlement maistre Phelippe de Morvillers. Auxquels oys et humainement receus fut donné responce consolative tout. à leur chois; et non seullement promesse de y entendre, mais avec remerciement de leur longue maintenue faveur , leur prioit-on de tousjours persévérer itieulx. Parquoy en advantaige de ce , à tous lez on leur promist d'envoicr lettres à toutes les bonnes villes tenans la partie du roy et de luy, par lesquelles il prieroit au peuple et citoyens de chascune : que, comme ils avoient esté affectés à son feu père pourchasseur de leur pays , ils voulsissent demorer pareillement ses adhérens et amis, qui estoit en semblable voloir devers eulx et demoureroit tousjours. Dont, pour donner vertu aux promesses et eflicace à sa bonne intencion, proposa d'envoyer prochainement vers le roy d'Angleterre impétrer trèves pour tous ceulx du party du roy et du sien; les quelles obtenues ils seroicnt asseurés de ce que plus ne les povoit molester , car avec la prâce de Dieu, tout premier il les entendoit bien à préserver, de tout ailleurs, de péril. Si furent ces lettres faictes et envoyées sur le contenn touché, et encoires plus amples, car on leur signiffioit par tout et requéroit que, au 47e d'octobre , dedens Arras voulsissent envoyer devers luy certains députés de leurs notables, avec toute puissance de besoingner sur aucuns poincts qui leur seroient remonstrés, présent ly, car chose estoit nécessaire pour eulx et prouffitable.
