CHAPITRE IL

Comment Philippe , fils au duc de Savoye, venu vers le roy sur seurté, fut mis en prison à Loches.

Or, comme j'ai pris pié maintenant sur ce beau duc de Rretagne pour bastir mon hystoire dessus, pour autant qu'il y peut avoir part, et que sans le mener à conte je ne puis satisfaire à ne matère . pareillement s'est venu présenter aussi à ma plume, en ce meismes instant , Philippe , fils du duc de Savoye, frère à la royne de France, que le roy, en la saison devant passée, environ deux mois, avoit fait venir devers Iy, sous sa seurté et parole, et suadé par belles promesses , de la bouce de. Garsasalle, grand escuyer, que le roy avoit envoyé vers Iy pour ceste cause. Ce jeusne prince Philippe, soi confiant en icelui, vuida le pays de Savoye, là où il estoit en seurté, gouvernant ses pays; mès venu devers le roy, cil le fit prendre et mettre en prison au chasteau de Loches , en dangier de sa vie et manasce de mort, pour aucunes grandes offenses faites alencontre de son père et de sa mère la ducesse, ce allépuoit-il, et de quoi les oultrages n’estoient à souffrir ; si en voloit prendre la vengeance, ce disoit, et donner punition pour les deux, comme cely à qui le cas touchoit et compétoit, pour ce qu'il avoit épousé leur fille, la royne; et lui duisoit devant tont autre, d'avoir revard sur son beau-père, et de prendre souvernement sur sa personne, qui estoit impotente. L'offense de ce jeusne prince et l'esploit qu'il fit, de quoi le roy maintenant se voult venger, est escript en meisme ve lume ici dessus, de l’année passée, si ne besoingne de le renouveller ici par récitation seconde; mès convient bien dire que de la prise et de la manière du faire, peupies et nobles et toutes conditions murmuroient et donnvient charge à Gargassale, et plus encore au roy, disant : « Puisqu'en paole de roy et en son mand ne peult avoir seurté, à dur doncques se doit-on atten dre de vérité en homme de moindre condicion; et par ainsi, foi et vérité et fiance

seront hors de la terre, et n'y aura riens entre les hommes par quoi ils s’entretiennent. » Et certes les murmures en furent et criérent si grandes contre le roy, que non seulement en France, mais en Angleterre, en Ytalie et ès Espaignes, toutes régions en furent pleines. Les amis du pris s'en doloient et crucifioient d’annuy ; les nations voisines en eslevoient le crime par criées ; les nobles de Savoye s'en desconfortoient ; les Bernois s'en demenoient jusques à en manascer le roy. Les sages et les estats du pays s’en mirent sus par ambassades ; les ungs devers le roy propre, qui riens n'y firent; les aulires devers la royne, qui estoit sa seur ; les aultres devers le duc de Bourgoingne , à qui il étoit nepveu ei filleul; et les aultres à tous aulires princes de France , qui tous riens n'y profitèrent ; ains s’en retouraèrent et demorèrent en désespoir de sa vie, par les œuvres voluntaires du roy, qui à nu!luy conseil, fors qu’au sien propre , ne voloit estre subject.