CHAPITRE VIII

Comment , de la part du seigneur de Chasteau-Guyon, furent aussi envoyés audict Hesdin deux autres personnages, pour la meisme difficulté.

De l'aultre costé, du seigneur de Chasteau- Guyon furent envoyés pareillement et vindrent à Hesdin deux nobles personnes et très belles gens, l'ung chevalier de par le comte de la Marche, et l'autre escuyer de par le comte d’Armiynac, à la meisme cause et intencion comme les deux autres; est assavoir pour persuader et prier au duc de Bourgoingne que voulsist tenir le baston droit pour ung et pour aultre , sans décliner à faveur nulle part, considéré encore que autant lui compétoit le droit de l’ung que de l’aultre; car aussi-bien l’ung comme l'aultre estoient ses parens et subjects ; et à tout ce dont la question movoit entre les parties, il estoit seigneur souverain et perlinent juge ; par quoy prioient : qu'en ensieuvant sa fame et haute renommée, par toutes terres, de sens et preudomie , et souverainement de nette justice et équité maintenue tout son temps , il voulsist ici soi monstrer vrai droiturier juge et prince souverain, comme la question des deux parties estoit mise devant ly pour estre oye le vingtiesme de juillet, lequel il leur avoit establi meismes et mandé pour les accorder ensemble. Si fut le duc très bien content de leur requeste et de leur venue, et leur fit faire bonne chière. Et, attentendans là le jour à venir, qui estoit le vingtiesme de juillet, s'avisèrent et conseillèrent cependant avec les clercs et coustumiers du : comte de Bourgongne sur leur fait que avoient à conduire, et sur la vertu du testament fait par le prince mort, qui estoit tout le fondement de leur cause.