CHAPITRE VII
Comment messire Jacques de Sainct-Pol, et messire Michiel de Partenay, vindrent à Hesdin en faveur du prince d'Orenge, pour une difficulté de deux frères venans de deux lits.
Dont en ce meismes temps et pendant que le roy estoit à Dampierre, vinrent audict lieu de Hesdin, messire Jacques de Sainct- Pol et ung aultre noble chevalier de grand fachon , nommé messire Michiel de Partenay, tr mis vers le d'1c de Bourgoingne en faveur du prince d'Orenge , pour une difficile question qu'il avoit encontre son frère , le seigneur de Chasteau-Guion, son frère du second lit, et lequel ledict viel prince novellement mort avoit engenré en la fille du viel comte d’'Armignac , celle qui avoit esté pourparlée, comme a eslé conté en autre lieu, pour le roy Henry d'Angleterre, avant que le mariage de ly feust traictié de la fille au roy de Cécile. Or s'estoit cestui noveau prince d'Orenges , que l'en soloit appeler seigneur d'Arguel, mal porté longuement envers son père le viel prince. Et à cause de ce que assez, ce lui sembloit , l'avoit porveu de scigneuries et de hautes possessions par le traitié de son mariay;e à la seur du duc de Bretagne, niepce du duc d'Orliens , et montant à la somme de trente mille francs de rente, lui considérant ce, et que d'un aultre lit avoit enfans aussi de hault lieu venus, et que plus mettoit espoir en iceax de sovernement et de haute attente, avecques ce que le cuer s'y tira beaucoup par amour, certes fist un testament, ce d soit-l'on, grandement préjudiciable à son aisné; et revestiant l'aisné du second lit de multitude de seipneuries et de haultes
GEORGE CHASTELLAIN
possessions, l'ordonna à estre aussy grand ou plus que son aisné , en ruyne et désertion de la maison qui avoit esté jusqu'alors en ricesse, pour ung vassal, une des grandes des crestiens. Si s'en dolu durement le nouveau prince , après le décès de son père. Et l'aultre du second lit se voloit tenir fort et ferme emprès l'ordonnance de son père, et riens en lessier. Dont chascun, soi sentaut puissant pour pooir maintenir son estrif par vertu de parens et d'alliances, en quoi se sentoient forts, premièrement se submirent à leur prince souverain, le duc de Bourgoingne, pour en attendre son jagement. Et d'abondant, afin que chascun se trouvast assisté de ses parens, envoyèrent vers iceux leur sisnifier leur débat, tendans chascun par l’aide des siens vaincre et venir à son desseure de la cause dont lung et l’aultre gisoit en trouble. Et pour ceste cause , comme j'ai dit, le duc de Bretagne y envoya messire Jacques de Sainct-Pol , qui esteit par de chà à celle heure, et messire Michiel de Partenay, pour recorder au duc de Bourgoingne le faiet de son beau-frère le prince d'Orenges, lequel de sa seur avoit ung très gentil jouvencel de dix-huit ans , bien adressié , et de qui ce eust esté dommage et grand perte pour le temps à venir se la maison eust esté ainsi esclisée par partaige du maisné. Si furent les dessusdicts chevaliers bienviégniés et bien venus du duc de Bourgoinsne et de la chevalerie, et festoyés et receus en audience. Et comme vrai fut que le duc favorisoit beaucoup à la querelle de l'aisné, et envis souffroit une se haulte maison comme celle d'Orenges diminuer et descendre en son temps pour partaige d'ung muisné , fist responce amiable aux gens du duc de Bretagne : que ce qu'il poroit faire en faveur dudict duc, honneur et droit sauves, il le feroit de bon cuer; et tenroit la main à ce que son nepveu , le fils du prmce , ne seroit point deshérité, s'il pooit, en future seigneurie ; car ce jeusne fils, fils du prince et nepveu du duc de Bretagne, avoil alliance meismes avecques sa niepce , fille à messire Ado!f de Clèves; et par ansi il le devoit garder et deffendre ly meismes allencontre ses tort-faiseurs.
