CHAPITRE X

Lontment le roy mena les ambassadeurs anglois à Dam- . pierre, et comment il les festoya

Le roy Loys persuada moult et mania de belles paroles à ce maistre Jehan Wanneloc,

GEORGE CHASTELLAIN

afin que il voulsist tenir main à paix ou à longues trèves entre ly et le roy Eduard, monstrant que se à cela pooit venir, n’y espargneroit trésor ne avoir, et en satisferoit et rémunéreroit haultement ceulx qui le y serviroient. Dont , et afin que tant mieulx encore les peust gaignier devers ly et tirer fruict de son contendre , leur requist et leur mist jour de le venir veoir à Dampierre , trois lieues de là Hesdin, où estoit la royne ; et pria meismes au duc son bel oncle, qu'ils les y feist venir, car les festieroit entre les dames. Si y allèrent lesdicts Anglois ; et y furent deux nuits festiés et honorés au possible et raisonnable. Or avoit la royne avecques ellE deux de ses seurs, filles du duc de Savoye, non mariées, et desquelles le roy tendoit fort et eust bien volu que le roy Eduard se feust'volu condescendre à en prendre une, et que par vertu de ce mariage, combien qu'il Ini coustast , il peust venir en alliance avecques ly de paix et de seurté. Si en parla audict de Wanneloc, et lui monstra la damoiselle, qui estoit belle et gente certes, et bien digne de royal lit. Et tendant à touttes fins que cecy se feist, lui pria instamment qu'il y voulsist laborer, et le guerredon lui en seroit rendu bien large.

Si en remercia le roy le chevalier anglois de l'honneur qu'il lui offrit, et promist que voirement en parleroit volentiers à son maistre le roy Eduard , et y feroit son mieux du pooir qu'il avoit; et que voirement aussi la fille estoit belle et noble, et bien de value pour le plus hault roy du monde, ce sçavoit ; et ne poroit le roy Eduard que bien faire en elle, et grandement renforcier. Et usant de tous les beaux mos dont il sçavoit bien que user il convenoit au lieu, prist congié au roy, ensamble son compaignon le capitaine de Guines ; et leur donna le roy belle vasselle. Et à tant se partirent de Dampierre, et revindrent à Hesdin , là où estoient jà venues les nouvelles du mariage pourparlé du roy Eduard , e: dont ledict de Wanneloc entendoit bien là où on prétendoit, ne à quel fin on voloit trairt ; car quelque samblant que feist au roy, nee roy à [y, si y avoit-il bien autant fiance au costé du duc comme au costé du roy Loys; car congnoissoit l’un et l’aultre, et sçavoit bien qui estoit bon pélerin,