CHAPITRE XIV

Comment la royne, le mardy après le disner. cuideit partir; méès il y eut novel estrif entre le duc et la royne.

Or vint le mardi, et disna la royne ; et avoit

ordonné, dès la nuyt devant, que tout feust |

CHRONIQUE DES DUCS DE BOURGOGNE.—III: PART

prest et appointié pour partir, le disner fait. Là eut-il novel estrif entre le duc et la royne; là ot-il des argumens faits et de répliques de diverses excuses. La royne cuida vaincre ‘ par prier et par donner à entendre le dangier qu'elle y attendoit; et le duc se fortifia sur les raisons d’onneur par lesquelles ne la pooit souffrir partir, ce disoit, sans plus amplement en faire. Et somme toute, prié non prié, il rompy et refusa le partement pour ce jour ; et constitua messire Adolf de Clèves, son nepveu , garde à la porte en bas, affin que nul nen partist sans congié. Et le duc de Clèves ainsy fit; et s’y porta, comme avoit le commandement. Si estoient tant aises, la princesse de Piémont et les autres dames, qu'elles en rirent de joie ; et ne savoit le seigneur de Cressol trouver aultre réplique à ceste fois, que une seule, c'estoit que se la la royne ne parto alors à ce mardi, elle ne poroit partir aussi le merquedy après, pour les Innocens; et par ainsi, ce seroit encore ung aultre jour de retardement, et mal sur mal, qui tout redonderoit sur ly. Et le duc respondy : qu'alors comme alors, du demain on s'aviseroit comme des autres jours; el quand à partir venroit, il ne le faudroit point lessier pour les Innocens, par espécial aux dames ; car elles ont une singulière loy. Etainsy, pour fin de conte , le due la tint pource mardy, pour lui faire chière. Et quand ce vint au merquedy , arrière la retint par puissance ; et n'y avoit ne prière, ne plorer , ne frémir de nulluy qui le peust vaincre. Ains dist à la royne :

« Madame , monseigneur se peut bien fier de moi, et je sçay bien que si fait-il. Ce que je vous tiens, c’est pour lui faire honneur et amour, comme je doy, et à vous; je suis le premier per et doyen des pers de France ; et comme ayant celle prééminence sur tous aultres emprès monseigneur le roy, je vous retiens aujourdhuy de mon auctorité, car j'ai bien cely pooir pour vous faire honneur et révérence. » À ces mos, n'y avoit femme ne homme qui osast répliquer ; et se tout chacun; mès oncques femmes ne furent tant aises que estoient trestouttes de ceste amiable force ; ains eussent bien volu qu'on les eust continué huit jours encore par samblable mistère