CHAPITRE XIII

Comment le rey avoit commandé à la royne de non demorer à Hesdin que deux auyts sans plus, le dimenche et le lundy.

Mès y avoit ici ung dur personnage à faire et à mener; car la royne avoit eu commasdement du roy de non demorer ici que deux auyts sans plus; c'estoit le dimenche et le lundi ; et le mardi devoit partir et s'en venir de belle tire vers Neufchastel , là où il l'attendroit. Et en ce point l'ordonna aussy , et expressément le chargea au seigneur de Cressol. Or quand ce vint le lundy bien tard, et ainsi que le duc se séeit emprès la royne aux danses , la royne eust en termes l’ordonnance qu elle avoit du roy son mary, et commencha à parler du prendre congié pour partir le matin; mès le duc, avisé du respondre en souriant luy dist : «Ma dame, il est mesbuy trop tard pour parler du département du matin. Le département donne annui d'en parler; et c'est ung lieu ici et ung

temps de feste; s’il Dieu plest, vous vous :

leverez demain, et disnerez; et puis, après avis le temps vous apprenra. — Et, par ma foi, beaux oncles , ce dist la royne, vous me pardonnerez ; il nous convient partir ; Je roy le nous a commandé ; et pour riens du monde

nous n'oserions trespasser son ordonnance. — Madame, monseigneur vous a envoyé icy, et m'a fait cest honneur; si est bien mon espoir qu'il se fie bien en moi que vous estes bien. Ung jour plus ou moins entre ly et moi ne seront point cause de vostre grief par devers ly.» Et en ce pendant survindrent eukx entreférir de paroles semblables le comte d'Eu et le seigneur de Cressol, disans : « Certes, monseigneur , le demander ne se peult faire ; il est force que la royne se parte demain ; et n'y a point de remède; et se faute y avoit, jamès nous n'en vieadrions à nostre paix. »

Souverainement le seigneur de Cressol en trembloit de peur; car il congnoissoit son maistre el sa commission. Si en requist et

pria à genoux devant le duc par diverses

fois, qui oncques n’y pot obtenir aultre chose, fors que la royne disneroit au demain, et puis après on concluroit du départir. Et le comte d'Eu voyant ceci, et considérant que le duc en saroit bien faire au fort, respondit et dit : « Or chà, menseisneur , sur vous je m'en attens;, vous en sarez bien faire. Nous vous avons amenée la royne icy par l'ordonnance du roy, et nous la ramènerons arrière par

devers ly, aussi quand il vous plaira. » Si n'y

avoit cely des deux qui ne se tenist bien de rire, quand ils virent que le partement ne leur estoit octroyé; mès mettant leur espoir sur le disner fait du lendemain, se fondoient de partir la journée et d'aller à giste à Dampierre , trois lieues. La royne meismes, à peine qu'elle ne ploroit de peur, tant frémissoit-elle du tres-pas du roy, son seigneur; et la princesse de Piémont, combien qu'elle sentoit et sçavoit bien que la royne avoit cause d’en avoir peur, si ne faisoit-elle que rire ; et lui estoient roses en cuer le refus de son partir ; meismes en réconfortoit la royne. Si firent toutes les autres.