CHAPITRE X VI

Comment le duc monta à cheval tout quoyement , et alla tout droit vers le logis du roy de Cypre:

Le lendemain après disner , tout quoyement et sans samblant, le duc monta à cheval et tira tout droit vers le logis où estoit logié le roy de Cypre. Si corrurent les nouvelles de-

‘ant l’omme ; et en fut averti le jeune roy, qui se ahontissoit en cest honneur ; et blasmant ses gens de ceste ignorance , leur imputoit à charge. Et le plus hastivement que pooit, monta à cheval avecques ce que pooit avoir de gens; et rencontra le duc à ung quarrefour de rue, qui s'en venoit vers ly; et là se firent les embrassées et les honneurs à cheval de l’ung à l’aultre; et y avoit des excusations et des argumens de lung à l’aultre de ceste honneur première; et cela passé , le duc le 'mist à son desseure et le mena à son

CHRONIQUE DES DUCS DE BOURGOGNE.—III° PART

: chasteau , là où ils devisèrent longuement en-

semble. Et remercia le roy allors le duc son oncle de ses bienfaits, qui estoient grans, et passoient , ce disoït, la charité de tous les | princes chrestiens et de ses propres parens; . par quoi il se réputoit plus tenu à 1y aussy | qu'à tous ceulx du monde; et désiroit bien à vivre le temps qu'il le poroit desservir envers ly ; mès au fort, du non pooir qui restoit en ly, Dieu, espoir, le lui rendroit, ce disoit, en son lieu. Et alors lui fit prière que se d'aventure son navire devoit séjourner sur l'iver à venir en aulcune mer ou port par de À, qu'il pleust au duc , qu'en lieu de riens faire ailleurs , il peut venir jusqu’en Cypre, en secours de son chasteau de Seraine et de sen royaume ; car avoit espoir , ce disoit, que par le moyen d'icellui il espoenteroit le roy bastard son débouteur, il rébouteroit ses ennemis et les Infidèles, et venroit à défense et à la recouvrance de sa coronne et de sa gloire; et la fame et le perpétuel mérite demerroient à la maison de Bourgoingne , qui resplendissoit toute en telles œuvres costumière. Mès le duc regardant le poix de la requeste, aveucques ce que volentiers feist et eust faict pour son cousin, dont le cas sentoit piteux, et souverainement pour l'augmentation de la foy, respondit doucement et dist : que bonnement n’estoit en ly de ce faire, ne de l'accorder ne de l'escondire ; car avoit submis son navire et ses gens à l'ordonnance ‘du pape le sainct-père; par quoy, après l'avoir départi à ly et à son service, ne pooit estre honorable pour ly, ne faisable aussy, de le contourner ailleurs. Mès si d'aventure on percheust que le pape ne se aidast ne servist de eelle saison , luy concédoit qu'il envoyast devers ly et obtenist qu'il les peust mener en Cypre guerroyer les ennemis de la foi; et ly de sa personne en estoit content, et se submettoit entièrement à la volonté du saint-père. De ceste response estoit tant asoufi le roy de Cypre et ceulx de son conseil, que autant s’en tint à content de la parole comme de l'effect; car plus honorablement ne luy pooit-on respondre; ne luy n'avoit ne ne pooit avoir cause de plus avant sarquerre. Et à tant, après vin pris et espices, partirent d'ensamble; et le duc le convoya jusques

aux degrés de la sale , et le roy s’en alli en son logis faire grand chière. Dont le lendemain il s'en partit et retourna vers le roy, et devers son père, qui temprement après vint à Hesdin là prendre sa posée.