CHAPITRE XVIL
Comment le duc de Savoye vint à Hesdin par un dimenche après vespres, septiesme d’aoust , et commeut Le duc alla au devant.
Par un dimence après vespres , septiesme d'aoust, vint le duc de Savoie à Hesdin; et estoit le duc de Bourgoingne allé au-devant de 1y jusques un peu hors des portes. Et ce fit pour l'honneur de la reyne plus que aultrement, pource qu'elle estoit sa fille, jà soit-il que le duc et ly le Saveyen estoient cousins germains ensemble, estans de frère et de sœur ; mès oncques ne cessa ce duc de Bourgoingne, com grand qu'il feust, de faire honneur à aultrui, et feust encorre son moindre, pourveu qu'on portast nom de duc comme ly ; car en la vertu du nom il égalisoit chacun portant le nom avec ly. La baronnie de l'ostel alla au-devant de ly üne demye-lieue. Dont , à l'entrée que fit à la ville lui estoit bon besoin; car la compagnie de ly n'estoit pas de grand monstre.
Avoit multitude de peuple pour le regarder venir; car se faisoit porter aux espaules en une litière par manière d'ung fiertre , là où estoit assis dedans en une chaïière couverte de veloux bleu; et le desseure de ly qui faisoit le ciel, estoit de veloux bleu aussi fransuié d'or et de soie; estoit vestu d'une robe longue fourrée de martres , atout uns
grand collier d'or autour son col , garny de pierrie; et sambloit proprement à veoir un personnage estrange, qui venist d'ung pays longuement perdu.Le duc se meist à sa destre, et toujours chevaucha emprès la litière jusques à son descendre; et au descendre le logea en la meismes place où avoit esté logié le roy jà deux fois. Et là le fit penser et aiser de tout ce qui estoit possible; touttes ses gens livrer et fournir de tout ce qu'il falloit ; les nobles et les chambellans servir en pareil comme le seigneur de Croy; et avoit-on commandement que tout ce que demande-
GEORGE CHASTELLAIN
roient par toutes les oflices, qu'on les en fournist. Ce duc Savoyen n'avoit nulles nobles
gens siens, ne de son pays, réservé tant seu-
lement le seigneur de Mont-Mayou, ung grand baron de Savoye ; et lui avoit baillé le roy toutes les gens qu'il avoit à. sa poste ; car le tenoit comme en tutelle depuis le fait que fit Philippe de Savoye , son fils, de quoy la ducesse morut de despit. Et par ainsy, et depuis qu'il avoit trouvé manière de prendre et emprisonner ledict Philippe , et qu'il voyoit ledict duc savoyen n'estoit point homme pour soi gouverner de ly meismes , et qu'il estoit tout impotent et inutile quasi au monde, lui osta tout ce qu'avoit de gens et de gouvernement ancien, réservé aulcuns de son conseil, qui s'entendoient avecques ly; lui bailla toutes gens novelles pour l'accompagnier et conduire à la règle meismes que ly ledict roy leur bailla; et y mist le marquis de Saluce, qui estoit son homme touttes-fois et son parent, et homme de vertu et de bon los. Et y mist aussy Cadorat, ung gentil eseuier, Son maistre-d'ostel ; ung autre, Robinet, maistre des eaux et des forests de Lyon; et plusieurs aultres dont les noms me sont esvanouis, gens nobles et de finance, et par
lesquels de toutes choses qui compétvient à
son estat, il se falloit conduire , et 1y meismes obéir et soi régler seloncq eulx, qui estoit une grand servitude à ung prince. Disnoïit à matin à huit ou à neuf heures, et puis ralloit dormir tout nu, se relevoit sur haulte nonne, et puis ralloit mangier de rechief; se recouchoit arrière pour dormir , et puis au relever souppoit , rechéant en sa couce. Ainsi passoit son temps et ses jours en boire, en mangier et en dormir, toujours couchié ou assis; car ne pooil mettre pié devant aultre pour 1es gouttes et poacrises de son corps que en graisse avoit, et duit ainsy en pescés et en bestiales meurs avecques les femmes en chambre, alenti à peine et si mis au bas avecques elles, c'est à entendre sa femme, que jusques à dévuider presque les fusées du fil qu'elles filoient. Et pour tant, pour son inutilité et féminine et vile condition, estoïent avenus infinis maux en son pays, sédicions , divisions entre les nobles, puerres, tumultes, bandes et piteuses occisions de l’ung sur
qe
l'aultre ; car n'estoit ne honoré, ne douté, ne amé ne bien volu , parce qu’on n'y sentoit nulles vertus, fors tout le contraire de ce en quoi peuples , ne villes, ne cités, ne les nobles du pays porroïent espérer salut. Et ainsy ayant vescu sans aulcun cler-fait, et usé de nom de prince soubs une meschante vie, au derrain se trouva perdu en l'éage de cinquante ans, impotent et povre seloncq son mérir, et destitué de sa liberté et francise ; qui riens ne tenoit de France, fut mis en tutelle et en servitude de son franc patrimoine. Et me doubte, se Jehan Bocace eust vescu encore , il lui eust ordonné place (1), je ne sçay où, en ung anglet, là où il eust été bien propre avecques les aultres.
