CHAPITRE XXI

Cemment le prothonotaire de Bourbon et messire Glaudede Toulonjon retournérent à Hesdin du voyage.

En ce pendant retournèrent à Hesdin du voyage de Rome le prothonotaire de Bourbon et messire Claude de Toulonjon, lesquels le duc avoit envoyés à Rome , devers le père saint, pour son excusation faire devers ly de l’année qui couroit soixante-quatrième ; car impossible lui estoit de soy mettre sus de celle année, jusques au noveau mars , pour les aultres grans affaires non à délessier en abandon. Et leur avoit donné par instruction ce que dire devoient touchant ce cas, et le surplus qui s'en feroit ; et comment il avoit envoyé un commenchement de navires atout son fils bastard pour un exemple de mieulx faire après , atout son grand flot; de quoi le pape se trouva très content, et lui plaisoit moult ; car ce lui donna espoir du parfait. Si revindrent ces seigneurs à court ; et en effect rapportèrent au duc que, comment qu'il foust , il convenoit qu'il emprist le voyage ; et Be s’en voult déporter le saint père , qu'il ne

GEORGE CHASTELLAIN

se meist sus au prochain mars ; etly meismes, voyant eulx, partist et se mist en voie pour non jamès retourner, jusques le voyage feust en effect, combien que , seloncq leur rapport, c'estoit la plus povre disposition qu'ils véirent oncques: et n’avoit en tout le monde, pour celle heure, que deux gallées. Du rapport doncques de ces revenus de Rome , fut toute la cour troublée durement; car ne voyoit ame ne fons ne rive en ce voyage, parquoi il se peust faire à l'onneur ne au profit, veu et considéré mille dangiers qui y -estoient allégués, tant en la personne du duc et en son éage , et en ses affaires par dechà , comme en ce que la maison de Bourgoigne en seroit destruite et minée à jamès d'avoir et de substance; et n’en venroit riens à effect ne à fruict; car il morroit en chemin, ce disoit-on, en estrange terre, là où tout son avoir demourroit perdu ; et n'aroit assistance des princes crestiens, si non povre ; parquoi tout tourneroit à nient. Ne lessa point pourtant'ce duc, toutevoies, à maintenir toujours qu'il iroit, ou il y morroit en la peine, se Dieu Îe lui volloit permettre , combien que l'occasion lui en mua bien depuis, non point le pourpos.