CHAPITRE XI

Be l'habilité du jeune duc.

Or véoit cestuy roy son beau temps desvuidier, et vit le vent d'autruy infortune qui le sien tressiMoit en proe de desir; veit l'un estre mort que plus il craindoit , le second estre en pourchas vers luy qui ne luy estoit pas propre, le tiers en constrainte destresse de se joindre à luy par cremeur ; et tint l'une partie en suspense pour attraire l'autre, et l'autre en menasse d'aliance contraire pour plus le faire haster vers luy. Bicn monstroit icy l’agüité de son sens ; et bel avoit venir à ses fins , quand pressé de l'ung et de l'autre, au plus prouffitable des deux pour luy et le plus expedient, dnna le feu d'y tost entendre par constrainte ; ou peut estre aussi que avec cautelle se mesloit orgueil pour en prendre l'honneur devers luy , cause pour avoir beaucop fait pour cely qu'il auroit receu sen allyé contre l’autre. Et par ceste forme luy estrangier, conquérant, comment que Îa chose allast , tiendroit en soubte meismes les patifs et haulx princes du pays, comme de fait le cuidoit, et le monstra bien cy-après.