CHAPITRE XII

Des trèves accordées par le roy anglois, et comment aucuns députés des bonnes villes se réunirent à Arras. °

Or estoit le jeune duc bourgoingnon, par ceste maniere de faire, constraint de hastivement conclure en son fait et de venir au chois ou d'avoir les Anslois , anciens ennemis du royaulme, pour luy, ou de les souffrir aler à sa partye adverse qui les requéroit contre luy. L'un lui sembloit cas de sa grand foulle et l'autreune œuvre aucunement contresoncuer, car ne les amoit. Voiant toutesvoies la mauvaistié de ses ennemis qui ne chassoient que à faire le meismes de luy que du père, et considérant que le roy anglois ne tendoit que à tenir en division l’ung des royaux bras à l'autre, ‘par’se joindre à luy, et que le joinct

seroit vaincuer de l'autre dessevré, sainement conclut luy sembloit plus devoir accepter les Anglois en son ayde , que de les souffrir venir contre luy en sa mortelle destruction; car entendre fault que, sans faulte nulle , le roy anglois eust prins et très tost l'une extrémité ou l’autre , non-chaillant à qui que fust la foulle , mais qu'il. parvenist à ses fins ; si que il failloit hastivement délibérer. Ainsi les avoit-il mis tous deux. Parquoy luy, le duc Phelippe, astraint d'honneur et de couraige, plus tendant à rompre l'orgueil de ses ennemis que soy meismes fortiflier par autruy ayde, conclut et délibéra l'alliance angloise. Et de fait, pour enfaire fin, renvoia hastivement ses gens de devant retournés atout puissance de besoingner et de conclure avec le roy anglois ,; comme siluy meismes y eust esté en personne; êt si rien y failloit de singulier espoir que eulx deux les princes , puis que l’aliance en seroit faicte , se trouveroient ensemble là où tout se pourroit parfaire et parfiner , si rien y restoit de difficile. Si s'en retournèrent arrière audit lieu de Rouen, là où l'Anglois roy les attendoit, et apportans plain povoir et faculté de tout; dont il fut si joyeulx que nul tant. Besoingnèrent et traic-

tairent l’aliance, fraternité et service lung à

l’autre ; et obtindrent trèves fermes et estables pour toutes les villes du royaulme du party du roy et du duc, pour un certain nombre d’ans, qui grandement resvulageoit le peuple par tout , et en fit de grands joyes. Les jours passèrent ainsi ung après autre , tousjours en exploit d'aucune opportunité. Et vint le dix-septième jour d'octobre, que ceulx de bonnes villes de Flandres aucuns, avec pluiseurs grans seisneurs , estoient semons de venir à Arras. Sy y vindrent tous, et comparurent à la journée les requis :

premièrement, messire Jehan de Luxembourg :

et tous les seigneurs et capitaines des pays

de frontière, avec les députés des bonnes .

villes, mandés et requis d'y estre. Et eux as- . semblés en grand nombre devant le duc, assis en siège paré, proposa maistre Henry Gœthais, doyen de l'église de Liège ; et après maintes belles persuasions , leur requist finablement que, comme ils avoient esté tousjours léaulx serviteurs et bienveullans au père , que ainsi

2% au fils ils voulsissent estre semblables , et prochainement, en ung exploit lequel il entendoit à faire bientost pour le bien du roy et de tout son royaulme; et à ceulx des bonnes villes requist aussi que, en tenant tousjours le party de Bourgoingne , ils promeissent et jurassent de donner infailliblement confort et ayde à cestuy prince , toutes les fois que besoing luy seroit. Laquelle requeste, avec l'autre qui précède, fut isnellement accordée de tous , et promise d'estre léalment entretenue à tousjours.