CHAPITRE XXI

Csmment la remonstrance que fist l'évesque de Tournay fust reprinse assez aigrement.

De cest avis donné ainsy, se fit noter et

GEORGE CHASTELLAIN

reprendre beauceup ledict évesque, lequel trop au précis et à l’estroit, sans regarder aux circonstances ne au faisable de la chose, alloit trop droit et avant, et ne regardoit pas à ce que les humains proposemens en bien se représentent devant Dieu en la nature de leur bonne affection, et que Dieu ne veult pas obligier l’homme oultre ce qui est de sa puissance, et de fruit en ce qu'il emprend. Et pourtant, comme les assistans en ce conseil congneurent que c’estoit trop aigrement allé en besongne de donner cest avis par telle manière, et qu'il y avoit beaucoup d’argumens à l'encontre, et plus salutaires que le sien, le reprindrent , et lui imputèrent lérierté en son opinion mal digérée et préjudiciable, disans en couvert les aucuns : que c'estoit ung prestre qui ne sçavoit à combien montoit tel cas ne telle affaire de nobles gens, et que pour ce qu'il avoit toujours manié ceste matère en divers voyages et conventions, à l'ordonnance du duc, et mesmement en la saison d’iver passée, devant nostre sainctpère, à où il avoit obligié, ly et messire Symon de Lalaing, le duc assez légièrement et à leur grand charge, contre le possible du faire, maintenant arrière le voloit faire continuer tousjours plus et plus avant en follie, là où il meisme congnoissoit que tout ce qu'on en faisoit estoit en vain et sans exploit, et que nullui ne s'employoit ne ne disposoit au samblable, ne pape ne aultre. Et pourtant le blasmèrent plusieurs, que Îy, qui estoit chief de conseil, proférast ces mots si aigus sans autrement difiiculter la chose. Mès certes, le bon prélat, de ce me fie-je bien, y alla à la bonne foi et à la preudommie devant ly, mès non à la parfondesse de la besoigne , laquelle demandoit bien gravité. Et pour ce dit-on que ces grans théologiens et ces gens dévots qui riens ne savent des affaires du monde, ne sont experts des humaines convenabletés , ne par assay ne autrement; ne sont commnnément point profitables à royaux consaux ne en affaires de princes, pour ce que leur spiculation et leur jugement gisent tout à haut en l'air, et n'ont point de piés sur quoy ils reposent en terre, certes, parce qu'ils n'y ont eu point de vocation ne de pratique , ne ma— niance de publique nécessité, avecques qui

toute divine loi et escript dispensent et pioient.