CHAPITRE XX

Comment le seigneur de Croy répliqua sur le proposement dudict évesque de Tournay.

Le seigneur de Croy répliqua sur ce et dist : « Comment déa , monseigneur de Tournay , l’entendez-vous ? Ne pesez-vous aultrement cestui affaire qu’en ce parti que vous touciez, qui y allez d'un oeil tant seulement, là où il en besoingne bien douze? Volez-vous que ce que monseigneur fait et a fait à inten- #on de porter fruit et eflect, et à devotion telle que Dieu cognoit, et qui m'est pas sans grand mise et coust, voise voluntairement perdre et mettre à l'abandon sans utilité nulle? Comment déa! vous voiez et oyez que nulle des nations ne s’appreste ne ne met sus ; ne du pape ne du duc de Milan il n'est nouvelles; meismes dit-on que le pape est mort. Se le pape et les nations out promis aulcunes choses sur quoi monseigneur présent s’est fié, et s’est monseigneur mis en devoir, seloncq le temps, et par un commencement de parfaire après, et puis les dessus dits faillent etne mettent riens à effect, convient-il pourtant que monseigneur , sur leur faire qui est congneu , boute oultre ce qui ne portera point d’effect, fors que honte et blasme , et que tout voluntairement et sciamment il envoie perdre ses gens, battre l’eaue et le vent, et se miner d'argent et de chevance, pour un néant. Par Dieu! sauve l'onneur des disans, il ne sied point à faire ainsy.

L'honneur de monseigneur est bien aultrement de grand poix; et puisque la chose est vœue ainsi, il s'en est assez acquitté, d'en avoir autant fait. Et voudroie que mains, puisque aultrement ne va. Tout à temps vient-on à despendre, et à perdre trop tost. Mon avis est: que monseigneur doit remander ses gens, monseigneur le bastard et les autres, et lessier Dieu convenir du surplys. Se le pape est mort, peult-estre que cely qui venra après sera d'ung aultre avis, et convenra faire d'une aultre manière ; et se-

CHRONIQUE DES DUCS DE BOURGOGNE.—III PART

ront vieux consaulx alors et nouveaux de con traire nature. »