CHAPITRE XXVI
Comment monseigneur de La Roche réplicqua sur ce propos, en déclarant son avis du voyage.
Le seigneur de La Roche disoit : « Et il me samble, puis qu'on est clèrement averti du povre acquist que font Veniciens et les aultres nations de par delà touchant ce voyage, mesmes et notre sainct-père qui n'a que deux galées mises sus, et que tous ceux qui sont retournés jà de delà ne se font que doloir et plaindre des Veniciens et de leur rudesse, et mesmes par touttes les Ytales n’en font aultrement, el que jà ce voyage que monseigneur le bastard a fait a esté fait frustre et en vain, sans en pooir tirer effect, et mois encore tireroit, veucs les dispositions ailleurs et les povres aides, il me samble, qu'à tout bien peser, et que meismes le pape se dit mort, monseigneur le bastard, quoiqu'il face du surplus, ne doittirer nulle part plus avant, sans sçavoir que ce puist estre à fruict et à honneur. Il a encore vingt-cinq mille escus pour soi entretenir; le hastivement le remander n'est pas de mon avis, ne de l'abaundonner aussy aux périls follement, mès de le faire surattendre, pour oyr et veoir comment les besoingnes se porteront partout. Se le pape est mort, il y aura novel monde et novel conseil ; et seloncq Le novel temps H conviendra prendre peult estre novel avis aussi. Monseigneur le bastard est ung chevalier de haut corage, et lui tient moult que son voyage n'est de grand effect ; le retourner lui sera dur ; et vouldroit, ce sais-je bien, pooir attempter tous les périls de la mer, premier que s0y rompre. Mès il met l’enneur de monseigaeur devant le sien; et, croyez, il avise bien à tout, et ne fera jà mal par foie. »
Aussy, en ensievant Ja raison -de ce chevalier, ledict bastard de Bourgoigne , doutant que le voyage ne se continuast plus ayant, pour les divers regards qu'il y avoit , requist au duc son père très instamment par ses let- , tres, qu'en l'onneur de Dieu, se d'aventure
voloit plaindre la? mise de tant d'argent comme il y convenroit respandre encore pour l'année parfaire , qu'il lui pleust faire vendre et adenierer tout quant que au monde avoit vaillant, que de ly que de par sa femme , et sur cela prendre les deniers de la furnison qui monteroient bien , ce avoit espoir, jusqu à cent mille escus ; et plaignoit moins à estre povre à toujours que retourner si à haste.
