CHAPITRE XXVIII à

Comment , à l'incitation de l’empereur Frédéric, le duc commencha et emprist ce voyage

Ce voyage icy du duc de Bourgoingne, qui avoit trainé depuis l'an cinquante -quatre, sous le pape Nicolas, jusques à soixantequatre, soubs Calixte et Pius, avoit esté empris d'icelluy duc de noble et hault voloir, pur devocion; et dès le commencement de son emprendre, et à cause de quoi il fit les veux à Lille, à l'incitation de l'empereur Frédéric le tiers, se mist en tous devoirs possibles de faire ledict voyage. Et comme il a esté conté en ce précédent volume, pour mettre à effet son vœu et servir Dieu de son pooir, prestement après les veux faits, ordonna de ses affaires, rompit son ostel, donna congié à une grant part de ses gens pour deux ans, ordonna du mariage de son fils, du gouvernement de ses pays et seigneuries, et de toutes aultres choses appartenantes à nécessité, à honneur et de salut ; et faignant d'aller seulement en Bourgoigne, en privée mainie, s'embla de ses pays à ceste intencion glorieuse, sçaichant véritablement que quand se trouveroit devers l'empereur , qui l'avoit mandé et requis de venir vers ly pour ceste matière, et que l’on verroit qu'il ureroit pays aveucques le dict empereur pour

a64] CHRONIQUE DES DUCS DE BOURGOGNE.—III PART. 597

aller à Constantinoble , tout le monde et tous les nobles de ses pays le sievroient, à veux et sans veux, et ce ne lesseroient pour nulle riens. Et véritablement il s’y pooit bien fier, car il eust eu sieute grande et merveilleuse, et de grande volenté. Ce que doncques ilse parti ainsi et alla à Rainsbourg (1) pour trouver l'empereur qui point n’y comparut, fut signe assez et preuve qu'il avoit cuer et voloir à entresievir son veu, et qu'il ne tenoit ne à sa personne, ne à avoir, ne à gens, qu'effect ne ensievist, et qu’il ne s’estoit offert devant les princes esliseurs, en deffaute de l'empereur, d'acompagner le roy de Hongrie, ou autres princes de l'Empire, se emprendre voloient ledict voyage, ou d'y envoier puissamment aucuns princes de son sang, en Cas que accident lui survenoit par quoy il n'y poroit estre. Par quoi en venant du commencement de ce voyage jusques à maintenant, par les diverses et longues intervalles qui s y sont trouvées, se d'aventure il se rompt ici en sa personne par mort ou autrement, ce je monstre, que tousjours depuis incessamment, et aussy de grand voloir le derrain jour que le premier, s’y est porté, monstré et offert comme ung vray noble chevalier, comme ung prince véritable et devot crestien, seul entre les princes regnans solliciteur de ceste œuvre.

Au moins , se la chose cy-après se treuve fon

due en nient et que ceste haute levée du voyage tourne en une vanité de parolle, plaise aux lisans entendre et concevoir , que tout ce qui oncques a esté du possible de y monstrer pour sortir effect, ce y a esté faict, et devers l’empereur depuis assez de fois, et devers les princes de l'empire à ses grands frès, devers le pape, et devers les roys d'Ongrie et d'Arragon, devers le roy Charles, roy de France, et celluy d'Angleterre, et devers le duc de Milan, et les nacions d'Ytalie, là ou à tous lieux et à tous eulx, par diverses maintes fois a envoyé prélats et chevaliers, gens d'église et de religion, à ses grands cousts et despens, et à seule fin de pooir aller au service de Dieu une fois avant sa mort ; qui oncques n'en a peu -tirer d'effect, mès tousjours excusation et tardivités devers eulx,

44) Regensburg que nous appelons Ratisbonne.

pour leurs propres affaires, jusques à la venue du pape Pius, qui avoit congneu longuement la bonne affection de ce duc, luy demorant aveucques l'empereur, et lequel, parce qu'il le sentoit fort enclin à ce voyage, prist pié et fondement sur 1y, pensant par 1y faire movoir tous les autres crestiens princes. Et à ceste cause, comme qui bien avoit le cuer à la besoigne, mist la journée de convention à Mantue , des princes crestiens , pour là parler de ceste matère ; là où plusieurs des roys et princes de la terre envoièrent, et non moins le duc, qui estoit le souverain appui du pape, et en qui tout se fioit; et y envoya le duc de Clèves, son nepveu,. par lequel il lui fit déclarer et dire de par lui ce qu'il avoit en cuer et en voloir de faire, et emprès quoy, à l'aide de Dieu, il demorroit ferme ct estable, sans y estre trouvé en faulte.