CHAPITRE XXIX
Des raisons pourquoy ce voyage fne se peult achever par le duc Philippe.
A celle heure encore, le duc estoit fort et ferme , et pooit assez porter peine; et se Dieu eust volu alors que les princes de l'Empire et ailleurs se fussent volus disposer à ce voyage emprendre contre les Turcs, luy de sa part se feust mis sur les rangs out des premiers, ou aultre pour ly, atout l'offre qu'il avoit promis au pape en cas de léal essoyne.
Or, y eut long decours de temps entre deux : le roy Charles morut et vint un nouveau monde; il lui convint mener coroner le roy Loys par son pooir ; il devint homme et féodal au roy novel, ce qu’oncques n'avoit esté au père, et devint serf qui avait esté franc ; il deviat subgect, qui oncques n'a voit eu maistre ; il devint malade à mort, lan . guissant deux ans, où toutes ses vertus ec vigueurs corporellesse consumèrent; avecques ce que vieil estoit et de haux jours. il lui survindrent des questions et des-matères ruyneuses sur les bras, tant à la cause du roy, qui se monstroit estringe et divers, tant à cause de la division de sa maison entre son
{ fils etly, ct d'autres grandes et orribles inci-
dentes, tant à cause aussy des Liégeois et de ses propres pays et subgects qui le sollicitèrent, qu’en temps de tant de perplexités apparentes à tous lez, ne les voulsist abandonner par voyage faire ne autrement ; car autrement tout seroit perdu , et eux et ses pays, et son propre enfant, et n'y auroit point de remède. Toutevoies, com viel que feust et fort débilité de sa dure langueur, toujours persévéroit en ce propos que de faire ledict voyage en Turquie, et deust morir en chemin, mès ce fist-il à cause de l’aigre poursieute du pape Pius, qui ne le lessa ne au blanc ne au noir de le travailler incessamment et solliciter de ce voyage emprendre, unes-fois par belles persuasions des lettres dont il estoit ouvrier , autrefois par parolles aires et poignantes aussy, qui le cuer lui engrossoient à l'encontre. Et par ainsy, oultre ce que tant et si longuement s'y estoit porté et offert suffisamment, et que ferme estoit d'éage pour le faire, et l'avoit monstré assez par effect, ce pape icy, en l’éage maintenant que décheu estoit et décliné de corps, et non vi: sant aux circonstances et qualités de ses affaires ne de sa personne, ne de ses accidens, plus qu'oncques mès le vint importunément semondre et requérir de faire ce voyage ; et usoit de légèreté, ce sambloit, envers 1y, et de pou d'avis, de le solliciter ainsy seul pour ung Si grant Cas qui touchoit à toute la crestienté ensemble, veulant, comment qu’il feust, feust fort, feust foible, qu'il se mist sus et s'en venist sur les mois de mars et d'avril, les premiers partans , l'an cinquante trois; car alléguoit que l’évesque de Tournai et messire Symon l’avoient obligié versly de ainsy faire. en quoy il y avoit vérité en partie, mès elle avoit été bien causée. Toutes-fois, toutes ex-
cusations cessans , encore s’y offroit le duc ;:
et veult l'obligation parfinir comme il appert; car à ceste cause il envoya le prothonotaire de Bourbon et cely de Toulongeon pour avoir surséance , tant seulement de l’année jusques à fa prochaine ; et en signe de bon voloir y envoya son fils bastard à une belle petite armée devant pour exemple de parfaire; et en quel voloir jusques à la mort dudict pape, il estoit conclu et résolu, se malédiction et malaventure d'ailleurs ne s’y entreboutoient,
GEORGE CHASTELLAIN
et encore ne s’en est oncques trouvé dehors, se corps et éage et fortune le pooient souf frir. Et pour tant dis-je à la justification de ce ‘prince, dont plusieurs en ont eu envie, l'importunité du pape, avecques non souflisant prudence en cestui cas, sur ce qu'il convenoit regarder et considérer en la personne de ce duc, ont esté cause de ceste haute levée de boucliers , et dont ly-mesmes se feust bien passé à moins, quand il on a fait et poursievi hors terme et hors de heure, et non dressié son fait par manière faisable, si non pour tout destruire , ly et autruy, et souverainement ia maison de Bourgoigne , laquelle de ce voyage en la personne du duc présent, ne peut jamès avoir qu'onneur et gloire et mérite envers Dieu; car tout y a esté fait et monstré ce qui sied à l'honneur et à conscience de faire.
