CHAPITRE XXX

Comment les enfans du prince d'Orenges se vinarent présenter pour avoir droit en leur différend.

Et encore en confermant ce voyage et le bon vouloir que le duc y avoit, l= duc fist convenir le premier jour de septembre à Sainct-Orner tous les prélats de Flandres et d'Artois, là où par la bouce de l'évesque de Tournay, fist demander à iceulx, en vertu d'unes bulles du pape Pius, lasomme bien de ung million d'or par manière de dixme ; de laquelle, plus en faveur du duc que du pape, lui accordèrent trois cent mille libéralement, à payer au jour que le voyage se mettroit sus. Et s'en tint le duc à bien content, qui encore alors ne sçavoit riens de la mort du pape; mès le sçut temprement après, par lettres qui lui furent envoyées de Rome, de sa mort, et de quoy toute la cour en estoit joyeuse, pour ce qu'on espéroit que le voyage en seroit rompu, et que le duc en estoit quicte de son obligation envers le pape mort. Mès néantmoins maintint-il toujours qu'il y iroit et qu'il ne le lesseroit point pour tant, se le pape novel lui en fasoit poursieute, et que ses affaires le peussent porter ; là où je fay fin à ce voyage, d'autant qu'H en est appars

[1465 jusqu'a ce jour premier de février l'an soixante. quatre (1). Le surplus qui en avenra m'apprendra comment j'en devrai escrire, et afänt je le lesse en la main de Dieu, et retourne aux enfans du prince d’'Orenge mort, mis en estrif et en discorde ensemble à cause de leur partage, comme avez oy dessus. Et venus maintenant à leur jour, chacun pour déclarer son droit devant le duc assis en siége de justice. publiquement promurent leur fait par avocats. Et premièrement, comme soi plus dolent, le jeusne fils du derrain lit d'Ermignac, fit proposer premier pour ly hautement et à grand pois, et fit produire et mettre avant la force dont son frère aisné usa en ly, de luy avoir osté tout ce que devoit posséder par loi et coustume du pays, et par testament fait du père, et du tout; et faisant démonstrer le bon droit et le pooir que le père mort avoit eu en ceste ordonnance du testament, sans frauder son aisné ne lui déroguer en riens, fist démonstrer au duc : comment venu et descendu du duc de Boirrv, il estoit prochain parent au duc et son humble subject, et lui prioit et requist humblement pour estre tenu en droit encontre son frère.

Et en ce faisant et demenant ceste matière, son avocat, qui estoit notable homme et bien enparlé, il luy eschéit à dire comment le duc aultresfois, en faveur du jeusne novel prince maintenant, sembloit avoir escrit et donné mandement contre ly, et lesquels lui véoient justice et vuidoient termes de raison. Et voloit dire cest avocat icy, pour ce que ces mandemens venus ainsy et procurés , estoient desraisonnables et contre l'honseur de sa hautesse, que ly n'en devoit jamès avoir riens sceu ne consenty à les donner ainsy; ains devoient avoir esté impétrés, luy ignorant, et par voies obliques de sa partie adverse. Cest article ici taisamment le duc le nota et le tint en gorge, et cuidant l'avoir bien conceu ; mès non fit à l'intencion du disant ; le lui remist en bouche après bien aigrement et à felle ; et lui demanda qui il estoit ne de quel pays, avecques pluiseurs autres paroles cv-après récitables.

4) Ancien style, et 4465 nouveau style.

CHRONIQUE DES DUCS DE BOURGOGNE.—III PART. S21