CHAPITRE XXXV

Comment à regret l'auteur fait mention en son escript du mesus dudict seigneur de Nevers.

A grand pitié et regret toutevoies je contourne ma plume en ceste matère et à parler en charge d’ung si hault et noble prince, vaillant chevalier , chief de guerre, et lequel par ses haulx et renommés fais avoit esté esleu à l'ordre du Toison-d'Or , comme un perle de chevaliers entre les autres, et au derrain, ce que je plains, et qui estoit près de viel éage , est allé effacer et noircir tout ce que fit oncques de bien, et muer sa clère renommée en obscure, en cas encore et encontre ceux dont premier devoit avoir porté la mort que de le souflrir à ung autre. Si m'est bien dur certes et amer en cuer, quand les conséquences encore de son vice avenu me contraignent que je amplie la, matère par son propre pourchas , quand ly meismes, sciamment et tout de gré, donne matère de parler contre ly ; car quand tout cler est et sceu qu'il a pris l’eslonge de la maison son esleveresse, a pris escueil ailleurs en ses vieux jours, et par forme d'énemisté non desservie, fault bien dire donc, que ce il a fait à cause et à racine d'un d'aulcun.

Et qu'il convient ou qu'il ait mesfait en la maison , Ou qu'on lui a mesfait, quelle de lung des deux n'a faute ? De mesfait à lui, oncques nen ot point , fors honneur , et toute prestance d'amour sur tous autres, tant du fils comme du père; et si avant, qu'en France n'avoit prince du sang mieux entretenu que ly, tant en dons de terre et des biens comme de son estat entretenu mieux que aultre. Et jusqu'à ce jour que l'accusation vint contre ly, le comte de Charolois ne se fioit en homme qui vesquit, autant qu'en sa personne. Si appert clèrement doncques, de mesfait n'y avoit point devers 1y, ne du père ne du fils, quand le père meismes, pour lui garder son honneur, prist argu et indignacion contre son fils pour 1y,luy imputant que ce il mettoit avant par malvaises gens , à tortet sans cause ; etlaquelle portance de ce comte encontre 1y,

devint depuis matère du plus malvais fons qui oncques avoit esté entre le fils et le père, jà-soit ce que le père , en la parfin, trouva son fils véritable; et lui despleut bien du tant, pour son propre honneur ; car trop lui estoit près l’autre. Au regard du mesfait de ly, cela appert par la matère en quoi nous sommes, et de quoi la déclaration a esté faite, là où elle séoit ; et appert encore que sans lui avoir donné congié de sa maison, il en a pris l'eslonge; s'est estrangié de ly meismes ; n’est volu venir à l’umilité ne à la voie d'amende; a quis parti aultre part pour se vengier; pour soi fortifier en sa triste cause a perdu la pension et les bienfaits de celui qui oncques ne la rompit à homme sans l'avoir forfaite, ne qui oncques ne chassa homme d'en arrière de 1y, se à sa propre coulpe non, et encore à tard et envis. Se doncques ce prince, père - famille léal et ferme , a gardé et observé à toujours ceste constance envers ses pelits Serviteurs, chevaliers et escuyers et gens de tous oflices, par plus forte raison la doit avoir gardée et parmaintenue envers son cousin-germain, fils de son oncle, et fils à celle meismes feinme de son oncle laquelle il avoit eu espousée Et n'est vraysemblable, ne ne fait à croire, que se la cause y eust esté si grande et si patente comme elle y estoit attainte , jamès envers si grand homme, et qui lui estuit de sang et de norriture, ne se feust monstré variable pour lui couper la broce en ses vieux jours. Vous en orrez des aultres contes cv après ; et là où la matère d'elle meismes, se je ne me fäns , me sera occasion d'en parler, constraint.