CHAPITRE XXXVL

Comment le duc de Bretagne envoya en Angleterre pour estre favorisé et secoru contre le roy Loys.

Or estoit-il le mois de septembre, et le roy estoit encore à Mauny de lez Rouen, mès sus son retour devers Pontieu , lequel il fit brief ; et le duc se tenoit tout quoi à Hesdin, surattendant la journée. Or est vrai que pendant tout ce temps icy, que le roy alloit ainsi Courant autour de Pontieu et de Rouan , allant

11465, CHRONIQUE DES DUCS DE BOURGOGNE.—III: PART

et revenant , visitoit les places sur le Boulenois, Crotoy , Rue, Sainct-Walery, y menant la royne, le duc de Bretagne, comme avez 0y, quise sentit manascé et que le roi tendoit à lui faire guerre , aussy mist peine tant-dis à soi fortifier à l'encontre. Et comme nul n’est volentiers outragié ne corru sus, souverainement les grands princes, envoya, ce dist-on, en Angleterre pour y avoir entendement, se besoing lui feist; car les Angloig meismes, comme j'ay touchié, lui avoient annoncié pour vrai que le roy les avoit requis en amisté pour estre contre ly et pour le desfaire aveucques aucuns autres. Si s’en estot teu ce duc breton, jusques à son point. Et envoya meismes en Angleterre , pour y trouver aide; et y manda son vice-chancelier , sur lequel et sur sen message se fondera maintenant une dure et difficile matère, et plus espineuse que chardons à manier , et poignant à tous lez; se fremis à l’encontre quand je la regarde, craignant que ma main povrement armée ne s'affoule au toucier. Or , avez oy que le roy sçavoit bien comment ce vice-chancelicr estoit passé la mer, et comment, en la souppechon qu’il y prenoit, il désiroit bien aussi d’en venir à son dessus par ung autre bout ; c’estoit de le pooir apprehender sur la mer en son retour , affin de savoir de lui quel traictié ne alliance il y aroit faite entre les Anglois et Bretons , car par ce moyen y poroit remedier temprement et de heure , ce sambloit, àtelles emprises. Si dist-on, et tient du vraysemblable, que ce duc de Bretagne sçavoit bien que le roy tendoit à apprehender son vice-chancelier à son retour , et qu'il lui gardoit très malvaise compaignie, si le tenoit. Si jurèrent Bretons, et lui aveucques , qu'on l'en garderoit bien, et que maugré ly le ramenroient en Bretagne sain et sauf, qui quile voulsist veoir. Et de fait se mist sus l'amiral de Bretagne atout grand navire ; et sain et sauf le ramenèrent à port là où je le lesse ; mès ne sçay com tard ne com tost; mès d'empeichement ne trouva point. Ores, comme doncques le roy couvertement béoit à pooir appréhender cest homme , convenoit bien doncques que ce feist par mystère et qu'il dressast les voies et mauières pour y parvenir, comme de ly meismes et de propre teste il soubtilloit tout. Or

rev ww

ex»)

est ainsy que, comme entre ces deux journées de my juälet et d'octobre, il alloit ainsy vaucrant, comme dit est, par diverses places , à Dieppe et ailleurs , et que les droites rumeurs entre le duc de Bretagne et ly n’estoient pas encore toutes publiques, le roy mist sus secrêtement une barge de quarante remes; et icelle aflustée et garnie de bonnes gens de guerre, la mist en la main dubastard de Reu

benpré, capitaine, qui estoit frère au seigneur de Reubenpré , nepveu au seigneur de Croy.

De la commission d'icellai , ne de la charge à lui donnée , ne pour quoy faire ,ce m'est encore obscur à le narrer, car de fait aussy je l'ignore ; mès de ce qu’il alloit singlant par mer , pour faire aucun exploit par samblant, ce est chose véritable, car tout se trouvera cy-après , là où le fait venra en conte.