CHAPITRE XL

Comment messire Olivier de La Marche fut envoyé par ledict comte vers le duc son père, pour scavoir qu'il auroit à faire dudict bastard.

Or, délibéra le comte d'envoyer vers son père le duc pour ceste matère, et de l'en avertir, ains tost que tard, affin d'en sçavoir faire à l'expédient du cas; car lui touchoit à sa vie , ce lui sambloit, et à l'âme et au corps; si ne 8çavoit à qui mieux s'en conseiller qu'à sa seule personne. Si ordonna à Olivier de La Marche ceste commission, homme bien emparlé et tout propre à ce faire. Et vint icelui Olivier à Hesdin ; et parla au duc; lequel s'esbahissoit du cas, et le pesa beaucoup; car le sentoit de malvais effect. Comme toutefois il lui touchoit au cuer, comme de son seul fils, lui fit briève délivrance. Et manda à son fils , par ledict Olivier mesme : qu'il feist interroguer et mettre en question appertenamment ledict bastard; et qu'après, selonc ce qu'il y trouvercit, il en feist à l'ordonnance

des loys et costumes du pays de Hollande, lequel est un pays de justice, et bien sçachant user sur tels cas et samblables, touchant la mer; et voloit que ainsi en feist, sans y différer riens. Alout ceste responce , partit Olivier de Hesdin ; et retourné devers son maistre , lui dist ce que le duc lui manda par ly; et en fut le comte bien joyeux; mès sy y

alla-il encore à grand sens longuement et à

froideur, affin qu’en temps à venir, se brouillis en pooit sourdre, qu'on ne lui peust im-

uter que rien on lui eust fait dire par force de Run: et aussi, par regard qu'il avoit au linage dont il estoit et à qui il appartenoit, il se voult conduire par sens et bon avis, pour tant plus embellir sa cause; et ainsi fist-il. Or estoit la court toute pleine de ce bastard pris; et se seignoient gens et s'esmerveilloient de son entreprise, et plus encore de la voix qui'en corroit sur le roy, ne dont lui pooit procéder tel corage encontre le comte, qui oncques mal ne lui fit. Si en ot des languages levés et retournés en divers ploy ; et ramenoit-on en conte Philippe de Savoie, pris aussi et mené en la rois (4) estransement. Fut relevée aussi et refrescie, comme du jour devant, la mort du duc Jehan, et la manière de son attraire ; et maintes autres choses furent dites et relevées à ceste cause par chascun jour, en aultrw charge, et par especial au seigneur de Croy, pour ce que le seigneur de Reubenpré estoit son nepveu, fils de sa sœur, et lequel de Reubenpré estoit cely qui avoit mis en oeuvre son frère bastard, de par le roy, comme le bastard propre l'avoit confessé ainsi. Doncques, comme vrai est que le seigneur de Croy se sentoit indigné à mort du comte de Charolois, et qu’à ceste cause il s’estoit fortifié du roy pour le temps futur, lequel roy aussi héoit mortellement le comte et ne s'en pooit taire, fut argué encontre cely de Croy, en lui ruant sur le dos, que vraisen:blable estoit qu’il en devoit ou pooit sçavoir je ne sçay quoi , quand mesmes son propre nepveu conduisoit ceste oeuvre.

Et me semble à moi, que ly mesmes le seigneur de Croy, quand il en eust esté le plus innocent du monde , si en devoit-il avoir

{4) Rets, filet.

Fi

CHRONIQUE DES DUCS DE BOURGOGNE.—III PART

ceste mesme peur par-devers y, et en faire les propres argumens du peuple, que je récite en son contraire, car la note y estoit trop évidente contre ly. Aussi, cy après en ensievra chose par quoi touchant ly en ce cas il en faudra plus avant escrire.

En ce temps, au mois de septembre, morut le seigneur d’Estouteville, capitaine du Mont-Sainct-Michiel, le plus rice homme d'argent contant , ce disoit-on , du royaume de France , et le quel d'Estouteville , le roy Loys, à l'entrée de son règne, avoit constitué grand séneschal de Normandie et gouverneur de Rouan , que, par avant , avoit esté messire Pierre de Brezé, du temps du roi Charles ; auquel messire Pierre , revenu en grasce arrière du roi Loys, le roy lui redonna son office , et le restablit en tout. Toutesfois fust-il dit alors que le seigneur de Croy eust volu avoir l'estat et l'office du mort. Le roy les lui offfoit ; car ledict de Croy estoit pour celle heure devers le roy quand les nouvelles en vindrent; et mesmes ledict de Croy le me dist à moi; mès 1y, pensant à faire ung ami à peu de coust, et de ce point ne lui estoit séant , ce lui sambloit, et hors de sa marche, le refusa, et dit:« Seigneur, il sera trop mieulx employé à monseigneur de Mallevrier qu'à moi; vous n'y poez meilleur commettre que Îy, qui y est amé et congneu, et en a eslevé le premier nom ; c'est ung noble chevalier, et vault beaucoup de biens. » Et en effect pria pour lui, ce me distly; et ainsy le reçut cely qui l'avoit esté premier, et dont Rouan et toute Normandie firent grand joie. Si dis ceci pour donncr à'l’entendement, que tout ce que ce scigneur de Cray voloit avoir ne demander du roi, tout luy estoit accordé et consenti sans refus nessun ; mesmes ledict de Croy s’en estoit devisé autrefois si avant, du propre temps que les terres sur Somme estoient nouvellement ren- . dues : que s’il eust volu estre gouverneur de Picardie et de toutes les terres rachattées jusques à Rains et à la rivière d'Oise , il l'eust esté de par le roy ; et, qui plus est, gouvernant de Normandie, de la mesme part que le roi avoit donnée au comte de Charolois. Dont la cause pourquoi le roi ce fit, ne à quelle fin, j'en lesse à Dieu le jugement vlutost qu'à homme.