CHAPITRE XXXIX

Comment le baron de Renbenpré se trouva à Gorkemme, où estoit le comte de Charolois.

Or est ainsy que, pendant ce temps que le roy et le duc estoient en ces termes pour la cause du duc breton, le comte de Charolois s’estoit tenu tousjours à Gorkem, en Hollande , à où il faisoit ouvrer; et [à tenoit

(4) Trouble.

CHRONIQUE DES DUCS DE BOURGOGNE.—III: PAR1

son mainage tout quoy aveucques la comtesse. Si avint que le bastard de Reubenpré, dont est faite mention dessous, arriva ung jour à Hermue atout sa barge; et là venu, prist terre, luy meisme sans plus, et les autres lessa en sa barge bien ordonnée.

Comme doncques ce bastard avoit prins terre et bu une fois, dressa son chemin vers Gorkem tout de pié, là où estoit le comte de Charolois; et venu à Gorkem, entra en une taverne, là où faintement et soubs aucune couleur d’estre des gens du comte , commen cha à interroguer aux gens du pays de l’estat dudict comte et de sa manière du faire ; assavoir, quand il alloit par mer, en quelle sorte de nef il se mettoit; ne s'il alloit fort ou à petite compaignie, ne devers le matin ou devers le vespre ; et touttes si telles questions mettoit avant, sans faire semblant de nulle chose ; et d'abondant encore avoit ce hardement en lv, que d'aller veoir l'ouvrage du chasteau là où estoient le comte et les dames; et monta sur les mailles pour pourgetter la mer et le lieu de là entour. Comme doncques la manière de son interroguer avoit semblé estrange à aulcuns qui l’avoient oy, et que aveucques ce il estoit congneu de plusieurs , et estoit monté au chasteau visiter les murs, et n'avoit esté faire la révérence au comte ne à aultrui, fut dit au comte la souppechon qu'on y prenoit, et que bon feroit entendre à ce bastard , dontles manières estoient estranges; et meismes le bastard, sentant le vent de cecy, et que la murmure sur ly estoit venue jusques au comte, prestement s’alla mettre en francise de l’église, sans encore que le comte ne autre de par ly feissent semblant de lui attoucier ne de dire riens, se non quand on se perçut mesme de sa peur et de sa retraite en l’église, qui donnoit à entendre qu'en ly devoit avoir aucune couverte malvaiseté. Le corate à priemes le fit prendre alors et mettre en prison, et par sa propre cause meismes de la peur qu'il avoit prise. et sur quoy se fon- £oit le souppechon raisonnable avec les languages précédents. A l'interrogation première qu'on lui fist , et là où estoient commis à ce aulcuns grands seigneurs , il varia ; et dist l'une des fois qu'il s'en venoit d'Escosse , ou qu'il y vouloit aller ; il dist qu'il s’ea al-

loit veoir la dame de Montfort, fille au seigneur de Croy qui demoroit en Hollande, et que là le seigneur de Reubenpré , son frère, l’avoit envoyé comme à sa cousine germaine pour la visiter. Et varioit et changeoïit propos diversement ; par quoy la note y estoit toute clère , qu’il y avoit du mal. Comme doncques ceste voix corroit par tout: que ung homme y avoit pris à Gorkem, qui estoit venu espier le comte de Charolois, ce propre soir en vindrent les nouvelles à Hermue , là où gisoient les autres, attendans le bastard; lesquels, avertisde ce vent, prestement fuirent qui mieux mieux , et à la plus grand peur qu'ils eurent oncques, abandonnèrent barge et tout ce qui estoit dedans , et se sauvèrent. Et fit le comte appréhender la barge etles biens, et y commist garde par manière d'arrest. Prestement doncques ceste prise du bastard se divulgua partout; et comme la manière de son venir là et en tel arroy estoit souppchonneuse, le peuple partout’, qui sçavoit bien que le roy héoit du: rement le comte, en l'instant imputèrent le cas au roy, et conjecturèrent qu'il avoit envoyé ce bastardicy pour prendre le comte ou pour le tuer ; car n'y avoit autre apparence ne autre matère sur quoy on peust fonder souppechon que sur ceste. Et pour tant infinies murmures et rumeurs populaires se levèrent à tous lez. Les unss commencèrent à maudire le roy, les aultres à le Lblasmer et à en dire maulx inffinis ; les tiers à lui reprocher les biens et honneurs que Île duc lui avoit fait , et mesmes à ses pays à tout effort; autres disoient que de France oncques ne leur vint bien, et que tout estoit malvaiseté et trahyson entre eux devers la maison de Bourgoigne, et que les exemples encore et les cas advenus en estoient de fresche mémoire; et disoit chacun sa chacune. Et estoit merveilles d'oyr les langages du peuple à cause de ceste prise, et de quoi on loua haultement Dieu , que l'emprise n’estoit sortie à son effect; car estoit ledict comte fortement aimé de chascun, et de tous les pays, qui mettoient sur lui grande attente.

Touttevoies n'estoit pas attainte encore ceste besoigne à son vif. Et posé ores que la renommée corroit telle sur le roy, et que le peuple l'avoit espandue telle par les diverses villes , se n'estoit-ce pas vérité attainte pour

GEORGE CHASTELLAIN

y tenir arrest, mès imputation souppecnonneuse , fondée en apparence. Et ce qui beaucoup y aidoit, c'estoit que le bastard . conduiseur de ceste barge, estoit ung homme de mauvais nom et de lépier conseil en malfaire, Et pour tant, l’ung joinct aveucques l’autre, la note y estoit d'autant plus grande. Et ne sçavoit nul homme autre chose penser ne imaginer que ce ne feust sur la personne de ce jeusne prince, dont la pité eust esté extreme ; et luy-mesmes ne sçayoit maintenir autrement. Pour l'honneur toutevoies et révérence de son père le duc, qui estoit le seigneur du pays, et sans qui il ne voloit riens fÂre en ceste matère ne en autre , ne le mettre en gehenne ne torture sans l'en avoir premier averti, tant seulement l'examina de parolles , et lui tira du ventre ce que pot par bel, qui fondamment plora, ce me dist-on, au dict eomte, en lui contant son cas, et ne se voult revéler à nullui de son parfond secret qu'à sa personne. Si le lessa à tant, et le fit estroitement garder en ung chasteau, pour .en avoir bon compte, quand il seroit temps et heure.