CHAPITRE XIII
Du service mortuaire du duc dernier mort, célébré em l'église de Sainct-Vaast et du sermon tout crestien de maistre Pierre Flore.
Cestui premier affaire expédié dedans Arras, le nouveau duc des Bourgoingnons, pour s'acquitter en devoir de conscience, fist faire le service du père très solempnel dedans l'église de Sainct-Vaast. Et y furent, sans les seigneurs séculiers qui ne chéoient en nombre : les évesques de Cambray, d'Amiens, de Thérouane, de Tournay et d'Arras, avec grand nombre de prélats autres, et abbés des païs de Flandres, d'Artois et des païis autour jusques au compte de vinpt et quatre crosses, dont cely d'Amiens chanta la messe ; et messire Jehan de Luxembourpg, ensemble messire Jacques de Harcourt faisoient le deul avec:leur maistre en longs manteaulx propres à leur estat. Et vindrent tout loings derrière luy, comme raison le donnoit bien. Des cerimonies ne fault point parler ne des magnificences qui y estoient ; car à présumer faict que tout y estoit bien ordonné et bien assouvy , à la valeur et haultesse des personnes , l'ung vif, l'autre mort. Mais l'offrande passée, ung frère prescheur, maistre en théologie, nommé maistre Pierre Flore, inquisiteur de la foy en la province de Rains, fist ung sermon notable devant toute la seigneurie, princes, prélats, nobles et autres , par lequel, en toute ardeur d'esperit, il sembloit contendre à vouloir desen-horter ung et chascun de prendre aucune vengance du mort, ains persuadoit et conseilloit que on la remeist à Dieu tout puissant qui scet rendre et vengier toutes offenses
oùsetquand luy plaist ,non‘pas à l'appétit des hommes, mais plus amèfement beaucop que à leur appétit. Si remonstroit aussi : que voye de justice est la plus rigoreuse et la plus espoventable attente des meaicteurs, et que nulle vengance n'est si honnourable et de si grand los que celle qui y est quise. Parquoy luy, qui estoit ung chief de justice en crestienneté, et meismes en ce royaulme l’ung des principaux pillers,luy meismes devoit justice renforcyer et aydier, et, là où viguer et vertu luy fauldroient, la secourir soubs espèce d'équité, et non de fureur vindicative par puissance convertye en œuvre non deue ; car à qui seul est la provision des félicités et doulceurs des hommes, à luy seul aussi doit estre la cognoissance de leurs rumeurs et torts-faits, ensemble pour les pugnir.
Telleset si faites raisons mistbeaucop avant, comme manifesteur de vérité, qui ne doit estre celée en chayère, meismes, d'ung excellent clerc , en telle compaignye et en tel hault et pondéreux cas , dont tant de maulx povoient naistre ou de biens parfaire ou laissier. Si s'en acquitoit devant les hommes , ce 1y sembloit, comme il en vouloit respondre devant Dieu.
Feist qui peust ou laissast qui voulsist, à luy estoit de conseillier, et à autre d'exécuter à son plaisir. Plusieurs toutesvoies des nobles hommes là estans se troublèrent de cestuy sermon, et, plus obéissans à folle opinion que à sain jugement, se tindrent mal contens du
prescheur, cuidans qu'il fust favorable aux
acteurs, et que faveur plus fust cause d'un tel des-en-hortement que révérence de l'honneur divin ; mais non fut voir, comme il paru bien en ses excuses autre part, là où il s'en mist en bon devoir.
