CHAPITRE XLIL

Cemment le seigneur de Bièvre estoit perplex de ceste prinse, et comment le roy faignoit non congnoistre ce bastard.

Le seigneur de Byèvre, jeusne frère au sire de Reubenpré, estoit à court pour ceste heure, qui à l’autre lez estoit durement perplex de ce cas, et en fondoit en annui; et à moi en fit des devises à larmoyans yeulx, par expétition de conseil; maudissoit la vie du bastard, et l'eure qu'oncques avoit esté né; plaignoit durement que son chief et son frère estoit entré en ceste orrible malvaise follie, et encontre l’ostel mesme là où les siens et ly avoient pris l'honneur et les biens qu'avoient; et mesmes le seigneur de Reubenpré avoit esté jusqu'à ce jour chambrelent du duc en ordonnance ; norry aveucques ly et en sa maison, enfant; y avoit eu crédence et honneur en guerre et en paix ; homme féodal du duc, jusques au jour de la rendicion des terres, n'y avoit que ung an; mès depuis, le roy l'avoit accueilli et attrait à soi par singulier regard qu'il yavoit, et en complacence aussi au seigneur de Croy, dont il estoit nepveu; car, à vrai dire, ilsembloit droitement l’homme pour faire un cop périlleux ; et autrefois le roy, du temps qu'il estoit dauphin, encore l'avoit délivré de grand dangier en Gand, là où il l'alla querre en personne, lui estant banny du royaume, et le restitua en piés, contraire la haulteur de son père, le ray Charles, et la sentence du parlement. Si s'en tenoit obligié à ly tant plus ledit de Reubenpré, et le roy aussi tant plus fiable de 1y de secrète chose. Et en effect, quand ce vint qu'on parloit devant le roy de ce bastard et de la charge qu'on lui donnoit, le roy respondit baudement et si dist : « Ne sçay qui est ce bastard , ne qu'on en veult

dire : il n'est pas à moi. Je ne le vis oncques, ne oncques ne parlai à ly. Si ne sçay qu'il a empris , ne à quicharge , et qui l’a mis en œuvre. Sis'en pare à moi, n’en compète riens. » Et en telles paroles s'en désarma le roy, ce disoit-on, en la novelleté du cas, quoiqu'en aprés 1] en tint tout autres termes , et qui seront mis en conte.